Connect with us

ព័ត៌មានអន្ដរជាតិ

ព្យុះទីហ្វុង Noru សម្លាប់មនុស្សដល់ទៅ ៦នាក់ និងបង្កការបំផ្លិចបំផ្លាញនៅ ហ្វីលីពីន

បានផុស

នៅ

ព្យុះទីហ្វុងដ៏ខ្លាំងបំផុតដែលវាយប្រហារប្រទេសហ្វីលីពីនក្នុងឆ្នាំនេះ បានបណ្តាលឲ្យមនុស្សចំនួន៦នាក់ស្លាប់ បន្ទាប់ពីភ្លៀងធ្លាក់ និងខ្យល់បក់បោកខ្លាំង បានវាយលុកលើកោះដែលមានប្រជាជនច្រើនបំផុតរបស់ប្រទេសនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្យុះទីហ្វុង Noru បានផ្តួលរំលំដើមឈើ កាត់ផ្តាច់ចរន្តអគ្គិសនី និងបានជន់លិចសហគមន៍នៅតំបន់វាលទំនាប ខណៈវាវាយសន្ធាប់ទីក្រុង Luzon កាលពីថ្ងៃអាទិត្យទី២៥ខែកញ្ញា និងម្សិលមិញ។

មន្ត្រីគ្រោះមហន្តរាយនិយាយថា មនុស្ស៥នាក់ ក៏បានរងរបួស និងច្រើននាក់ទៀតបាត់ខ្លួនផងដែរ។

អ្នកជួយសង្គ្រោះចំនួន៥នាក់បានស្លាប់ បន្ទាប់ពីពួកគេត្រូវបានបញ្ជូនទៅជួយអ្នកស្រុក ដែលជាប់ដោយសារទឹកជំនន់នៅក្នុងក្រុង San Miguel នៃខេត្ត Bulacan ជិតរដ្ឋធានីម៉ានីល។

លោកវរសេនីយ៍ទោ Romualdo Andres មេប៉ូលិសក្រុង San Miguel បាននិយាយថា ក្រុមអ្នកជួយសង្គ្រោះកំពុងធ្វើដំណើរឆ្លងកាត់ទឹកជន់លិច នៅពេលជញ្ជាំងបាក់លើ ធ្វើឲ្យពួកគេ ធ្លាក់ចូលទៅក្នុងទឹកដែលកំពុងហូរយ៉ាងខ្លាំង។

ដោយឡែក បុរសវ័យចំណាស់ម្នាក់បានស្លាប់ ក្នុងការរអិលបាក់ដីនៅក្រុង Burdeos លើកោះ Polillo។

គួរបញ្ជាក់ថា ព្យុះ Noru បានវាយលុកចូលទៅក្នុងប្រទេសប្រជុំកោះមួយនេះ កាលពីថ្ងៃអាទិត្យបន្ទាប់ពីប្រមូលផ្តុំកម្លាំងខ្យល់ដ៏ខ្លាំងមិនធ្លាប់មានពីមុនមក។

វាបានបង្កឲ្យមានការបាក់ដី នៅចម្ងាយប្រហែល១០០គីឡូម៉ែត្រ ភាគឦសានទីក្រុងម៉ានីល។

មនុស្សជាង ៧៤ ០០០នាក់​ ត្រូវបានជម្លៀសចេញពីផ្ទះ មុនពេលព្យុះវាយប្រហារ ខណៈទីភ្នាក់ងារឧតុនិយមព្រមានថា ភ្លៀងធ្លាក់ខ្លាំងអាចបណ្តាលឲ្យមានទឹកជំនន់ធ្ងន់ធ្ងរ នៅក្នុងតំបន់ដែលងាយរងគ្រោះ៕

ប្រែសម្រួល៖ Vann Vann

ប្រភព៖ The Tattlers

ចុចអាន៖ ព្យុះត្រូពិក Noru នឹងឆ្ពោះទៅវាយប្រហារប្រទេសថៃ និងវៀតណាម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

ការដាក់ឱ្យដំណើរការរបបសន្តិសុខសង្គម ជាប្រវត្តិសាស្ត្រថ្មីមួយបន្ថែមទៀតសម្រាប់កម្ពុជា

ព័ត៌មានជាតិ៧ នាទី មុន

អ្នកសារព័ត៌មានដើរតួនាទីសំខាន់​​ ចូលរួម​​បញ្ជ្រាប​គោលនយោបាយ​​របបសន្តិសុខសង្គម​ដល់សាធារណៈជន

ព័ត៌មានជាតិ១០ នាទី មុន

ប្រធានរដ្ឋសភាថៃ អះអាងថា នឹងជួយជំរុញអ្នកវិនិយោគថៃឲ្យមកបណ្ដាក់ទុនកាន់តែច្រើននៅកម្ពុជា

ជីវិតកម្សាន្ដ១១ នាទី មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានអន្ដរជាតិ២១ នាទី មុន

បក្សប្រឆាំង ឥណ្ឌូណេស៊ី ស្នើបោះឆ្នោតម្ដងទៀត និងដកឈ្មោះកូនប្រុស​លោក Widodo ចេញពីសន្លឹកឆ្នោត

Sokha Hotels

ព័ត៌មានពេញនិយម