ថៃ ព្រមានពលរដ្ឋឲ្យប្រយ័ត្ន ក្រោយសត្វក្រពើ រួចចេញពីកសិដ្ឋាន ដោយសារទឹកជំនន់

ប្រទេសថៃ កំពុងបើកការ​ស្វែងរកសត្វ​ក្រពើ​ចំនួន ២​ក្បាល ដែលរួចពី​កសិដ្ឋានមួយកន្លែង អំឡុង​ពេល​មាន​ទឹក​ជំនន់​នៅ​ក្នុង​ស្រុក Muang នៃ​ខេត្ត​ Khon Kaen។

លោក Samrong Montri មេឃុំ Nong Tum ក្នុងស្រុក Muang បានដឹកនាំប្រជាពលរដ្ឋ ចាប់បានសត្វក្រពើមួយក្បាល ប្រវែងជាង៣ម៉ែត្រ តាមប្រឡាយទឹក ក្នុងឃុំនៅវេលាម៉ោងប្រហែល ៤ និង៣០នាទីរសៀលថ្ងៃអង្គារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វា​ជា​សត្វក្រពើ​ទី​២ ​ដែល​ត្រូវ​ចាប់​បាន ​បន្ទាប់​ពី​សត្វ​ក្រពើទី​១ ​ត្រូវ​បាន​រក​ឃើញ​នៅ​វាល​ស្រែ​កាល​ពី៣ថ្ងៃ​មុននេះ។

លោក Samrong ​និយាយ​ថា សត្វ​ទាំង​២ក្បាលនេះ ​ស្ថិត​ក្នុង​ចំណោម​ក្រពើអាយុ​ប្រហែល​១​ឆ្នាំ​ទាំង៤​ក្បាល ដែល​បានរួចពី​កសិដ្ឋាន​តែមួយ។ ពេលនេះ ក្រុមអជ្ញាធរកំពុងស្វែងរកក្រពើនៅសល់ចំនួន ២ក្បាលទៀត។

ស្របពេលជាមួយគ្នានោះដែរ អភិបាលខេត្ត Khon Kaen លោក Kraisorn Kongchalard កាលពីថ្ងៃអង្គារ បានព្រមានប្រជាពលរដ្ឋក្នុងខេត្ត Nong Tum ឲ្យមានការប្រុងប្រយ័ត្នបន្ថែមទៀត៕

ប្រែសម្រួល៖ Vann Vann

ប្រភព៖ Bangkok Post