ព័ត៌មានអន្ដរជាតិ
តួកគី ឲ្យ អាមេរិក ឈប់គំរាមកំហែងប្រទេសសម្ព័ន្ធមិត្តរបស់ខ្លួន
រដ្ឋមន្រ្តីការបរទេសតួកគី បាននិយាយកាលពីពេលថ្មីៗនេះថា សហរដ្ឋអាមេរិកគួរតែបញ្ឈប់ការគំរាមកំហែងដល់អារ៉ាប៊ីសាអូឌីត ជុំវិញតម្លៃប្រេងឡើងខ្ពស់ ហើយរកមធ្យោបាយផ្សេងទៀតដើម្បីដោះស្រាយបញ្ហា។
ការលើកឡើងរបស់តួកគីធ្វើឡើង បន្ទាប់ពីអង្គការ OPEC ដែលដឹកនាំដោយអារ៉ាប៊ីសាអូឌីត បានកាត់បន្ថយការផលិតប្រេងនៅដើមខែតុលា ដោយធ្វើឲ្យទីក្រុងវ៉ាស៊ីនតោនមានការខឹងសម្បាយ៉ាងខ្លាំង និងជំរុញឲ្យក្រុមនេះបង្កើនការផលិតប្រេងវិញ ។
ថ្លែងនៅទីក្រុង Mersin ភាគខាងត្បូងតួកគី លោក Mevlut Cavusoglu បាននិយាយថា វាអាចទទួលយកបានសម្រាប់សហរដ្ឋអាមេរិកក្នុងការរិះគន់អង្គការ OPEC ដែលជាក្រុមនៃអ្នកផលិតប្រេងសំខាន់ៗរួមមានរុស្ស៊ី និងអារ៉ាប៊ីសាអ៊ូឌីត ចំពោះការកាត់ផ្ដាច់ការផលិត ប៉ុន្តែបានព្រមានក្រុងវ៉ាស៊ីនតោនថា ការគំរាមកំហែងទីក្រុង Riyadh បែបនេះគឺមិនត្រឹមត្រូវឡើយ ។
រដ្ឋមន្ត្រីរូបនេះបានបន្តណែនាំថា តម្លៃប្រេងឡើងខ្ពស់ ដែលជាក្តីបារម្ភដ៏ធំសម្រាប់សហរដ្ឋអាមេរិក គឺកើតចេញពីគោលនយោបាយផ្ទាល់របស់ទីក្រុងវ៉ាស៊ីនតោន។ លោកក៏បានបានជំរុញឲ្យសហរដ្ឋអាមេរិក ដកទណ្ឌកម្មទាំងនេះចេញ ដោយលើកហេតុផលថា “ប្រសិនបើអ្នកចង់ឲ្យតម្លៃប្រេងធ្លាក់ចុះ ចូរដកការហ៊ុមព័ទ្ធលើប្រទេស ដែលនឹងផ្តល់ផលិតផលរបស់ពួកគេ ទៅកាន់ទីផ្សារ” ។
សូមរម្លឹកថា កាលពីដើមខែនេះ អង្គការ OPEC បានយល់ព្រមកាត់បន្ថយផលិតកម្មប្រេងចំនួនពីរលានបារ៉ែលក្នុងមួយថ្ងៃ ដោយប្រឆាំងនឹងការអំពាវនាវពីសហរដ្ឋអាមេរិកឲ្យបូមបន្ថែមទៀតក្នុងគោលបំណងកាត់បន្ថយតម្លៃ។ បន្ទាប់ពីការប្រកាសនេះ លេខាធិការសារព័ត៌មានរបស់ប្រធានាធិបតីអាមេរិក Joe Biden គឺលោកស្រី Karine Jean-Pierre បានអះអាងថា អារ៉ាប៊ីសាអូឌីត បានតម្រឹមខ្លួនឯងជាមួយរុស្ស៊ី។
ដោយឡែក អារ៉ាប៊ីសាអូឌីតទទូចថា ការសម្រេចចិត្តកាត់បន្ថយផលិតកម្មគឺផ្អែកលើការពិចារណាសេដ្ឋកិច្ចសុទ្ធសាធ ដែលគិតគូរដល់ការរក្សាតុល្យភាពនៃការផ្គត់ផ្គង់ និងតម្រូវការនៅក្នុងទីផ្សារប្រេង ខណៈរដ្ឋមន្ត្រីការពារជាតិបាននិយាយថា លោកនិងមន្ត្រីកំពូលៗផ្សេងទៀត ភ្ញាក់ផ្អើលចំពោះការចោទប្រកាន់ថាទីក្រុង Riyadh ចូលដៃជាមួយរុស្ស៊ីទៅវិញ៕
ប្រែសម្រួល៖ សាង ស្រីល័ក្ខ
ចុចអាន៖រុស្ស៊ី ប្រកាសឲ្យអ្នកស្រុកចាកចេញពីតំបន់ Kherson ជាបន្ទាន់ មុនពេល អ៊ុយក្រែន វាយលុកមកដល់
ចុចអាន៖រុស្ស៊ី ឲ្យ UN ទប់ស្កាត់ អ៊ុយក្រែន ពីការបំផ្លាញទំនប់វារីអគ្គិសនីនៅតបន់ Kherson
-
ព័ត៌មានអន្ដរជាតិ១ សប្តាហ៍ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា៣ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ២ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
អត្ថាធិប្បាយ៤ ថ្ងៃ agoវិចារណកថាចក្ខុវិស័យកែទម្រង់យោធាកម្ពុជា៖ ពីកម្លាំងបរិមាណ ឆ្ពោះទៅកងទ័ពជំនាញឌីជីថល និងមនសិកាការពារជាតិ
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៤ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានជាតិ១ ថ្ងៃ agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាប ជួយកសិករដាំដុះដំណាំកសិកម្ម
-
ព័ត៌មានអន្ដរជាតិ១ សប្តាហ៍ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ