ព័ត៌មានអន្ដរជាតិ

ហេតុការណ៍សំខាន់ៗក្នុងសោកនាដកម្មដាច់ស្ពានយោលនៅ ឥណ្ឌា

បានផុស

១ year មុន

នៅ

ថ្ងៃអង្គារ ១ វិច្ឆិកា ២០២២

ដោយ

យ៉ាងហោចណាស់មនុស្ស ១៤១ នាក់បានស្លាប់ បន្ទាប់ពីស្ពានសម័យអង់គ្លេសនៅទន្លេ Morbi នៃរដ្ឋ Gujarat បានដាច់កាលពីថ្ងៃអាទិត្យ ខណៈមនុស្ស ១៧៧ នាក់ត្រូវបានជួយសង្គ្រោះ ហើយក្រុមអាជ្ញាធរក៏កំពុងស្វែងរកអ្នកផ្សេងទៀតដែលនៅបាត់ខ្លួនផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ នៅមុនពេលកើតហេតុនៃការដាច់ស្ពាននេះ គេក៏សង្កេតឃើញមានភាពមិនប្រក្រតីមួយចំនួនកើតឡើងផងដែរ ហើយនេះគឺជាចំណុចសំខាន់ៗនៅលើស្ពានដែលដាច់ ៖

១. មនុស្សប្រហែល ៥០០ នាក់ រួមទាំងស្ត្រី និងកុមារ បានដើរនៅលើស្ពានយោល នៅពេលដែលខ្សែកាបទ្រទ្រង់ស្ពានបានដាច់ ដោយបណ្ដាលឲ្យមនុស្សធ្លាក់ចូលទៅទន្លេដែលនៅខាងក្រោម ខណៈក្រុមមន្ត្រីបានឲ្យដឹងថា ស្ពាននេះអាចផ្ទុកមនុស្សបានត្រឹមតែ ១២៥ នាក់ប៉ុណ្ណោះ ។

២. មនុស្សជាច្រើនកំពុងធ្វើពិធី Chhath Puja នៅលើស្ពានអាយុកាល ១៥០ ឆ្នាំ ដែលមានចម្ងាយ ៣០០ គីឡូម៉ែត្រពីទីក្រុង Vadodara នៃរដ្ឋ Gujarat ។

៣. មនុស្សបានធ្លាក់ពីលើគ្នា ក្រោយដាច់ស្ពាន ហើយមនុស្សជាច្រើនបានតោងជាប់នឹងខ្សែទីដែលនៅជាប់ស្ពាន ខណៈខ្លះត្រូវបានគេឃើញហែលទៅរកសុវត្ថិភាព ។

៤. ស្ពានឆ្លងកាត់ទន្លេ Macchchhu ត្រូវបានបិទអស់រយៈពេល ៧ ខែមកហើយដើម្បីធ្វើការជួសជុល ។ វាត្រូវបានបើកឡើងវិញជាសាធារណៈនៅថ្ងៃទី ២៦ ខែតុលា ដែលជាថ្ងៃចូលឆ្នាំ Gujarati ប៉ុន្តែការបើកដំណើរការនោះ គឺមិនមានលិខិតបញ្ជាក់សុវត្ថិភាពពីអាជ្ញាធរឡើយ ៕

សូមទស្សនាវីដេអូ!