Connect with us

ព័ត៌មានអន្ដរជាតិ

លោក Xi ថា ចិន-វៀតណាម មិនអនុញ្ញាតឲ្យបរទេសជ្រៀតជ្រែកវឌ្ឍនភាព​ប្រទេសទាំងពីរឡើយ

បានផុស

នៅ

នៅក្នុងជំនួបជាមួយលោក Nguyen Phu Trong មេដឹកនាំបក្សកុម្មុយនិស្តដែលកំពុងកាន់អំណាចរបស់វៀតណាមនៅទីក្រុងប៉េកាំង, ប្រធានាធិបតីចិនលោក Xi Jinping បានថ្លែងថា ចិន និងវៀតណាមនឹងមិនអនុញ្ញាតឲ្យបរទេសជ្រៀតជ្រែកក្នុងវឌ្ឍនភាពរបស់ប្រទេសទាំងពីរឡើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ មេដឹកនាំ ចិន-វៀតណាម បានឯកភាពគ្នាក្នុងការលើកកម្ពស់ភាពជាដៃគូយុទ្ធសាស្ត្រគ្រប់ជ្រុងជ្រោយ ទៅកាន់កម្រិតថ្មីមួយ ខណៈដែលប្រទេសទាំងពីរក៏កំពុងជំរុញទំនើបកម្មសង្គមនិយមលើអំណាចរបស់ពួកគេផងដែរ ។

ជំនួបនេះក៏ជាសញ្ញាមួយបង្ហាញថា ទីក្រុងប៉េកាំងកំពុងស្វែងរកទំនាក់ទំនងកាន់តែជិតស្និទ្ធ ជាមួយប្រទេសជិតខាងវៀតណាម ខណៈដែលសហរដ្ឋអាមេរិកក៏ធ្វើការដើម្បីជំរុញទំនាក់ទំនងរបស់ខ្លួនជាមួយបណ្តាប្រទេសអាស៊ីអាគ្នេយ៍ដទៃទៀតផងដែរ ។

ស្របពេលជាមួយគ្នានេះ ប្រទេសវៀតណាម ទោះបីជាមានជម្លោះទឹកដីជាមួយចិននៅសមុទ្រចិនខាងត្បូងក៏ដោយ  ក៏ប្រទេសនេះកំពុងស្វែងរកទំនាក់ទំនងសេដ្ឋកិច្ចកាន់តែជិតស្និទ្ធជាមួយចិនផងដែរ ។

ទូរទស្សន៍ចិន CCTV បានរាយការណ៍ថា នេះជាជំនួបលើកដំបូងរបស់លោក Xi ជាមួយមេដឹកនាំបរទេស ចាប់តាំងពីលោកទទួលបានអាណត្តិទី ៣ ក្នុងនាមជាមេដឹកនាំបក្សកុម្មុយនិស្តចិនដែលកំពុងកាន់អំណាច នៅឯសមាជបក្សកាលពីខែមុន ។

គួរបញ្ជាក់ថា ក្រៅពីជួបសមភាគីវៀតណាមរួចហើយ លោក Xi ក៏គ្រោងនឹងជួបជាមួយនាយករដ្ឋមន្ត្រីប៉ាគីស្ថានលោក Shehbaz Sharif និងអធិការបតីអាល្លឺម៉ង់លោក Olaf Scholz ក្នុងសប្ដាហ៍នេះផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម