រដ្ឋមន្ត្រីក្រសួងយុត្តិធម៌ ជប៉ុន លាលែងពីតំណែង ជុំវិញការដាក់ទណ្ឌកម្មទោសប្រហារជីវិត

រដ្ឋមន្ត្រីក្រសួងយុត្តិធម៌របស់ប្រទេសជប៉ុនបានលាលែងពីតំណែងកាលពីថ្ងៃសុក្រ ទី១១ ខែវិច្ឆិកា ដោយក្លាយជារដ្ឋមន្ត្រីទីពីរដែលបានចាកចេញពីគណៈរដ្ឋមន្ត្រីរបស់នាយករដ្ឋមន្ត្រី Fumio Kishida ​ជុំវិញ​ការ​លើក​ឡើង​អំពី​ទោស​ប្រហារ​ជីវិតនៅក្នុងប្រទេស។

រដ្ឋមន្ត្រីក្រសួងយុត្តិធម៌ លោក Yasuhiro Hanashi បានទទួលរងនូវការរិះគន់យ៉ាងខ្លាំង លើប្រព័ន្ធផ្សព្វផ្សាយពាក់ព័ន្ធការលើកឡើងមិនសមហេតុផលអំពីការអនុម័តការដាក់ទណ្ឌកម្មទោសប្រហារជីវិត ​ថែមទាំងបានប្រើត្រា “hanko” របស់លោក ដើម្បីអនុម័តទោសប្រហារជីវិតដោយឯកឯង។

ក្រៅពីនោះលោកក៏ត្រូវបានគេរកឃើញរឿងអាស្រូវសំណូកសូកប៉ាន់លើមុខតំណែងផងដែរ។ ប្រព័ន្ធផ្សព្វផ្សាយក្នុងស្រុករាយការណ៍ថា Yasuhiro Hanashi បានផ្ដល់សំណូកចំពោះមុខតំណែងគណៈរដ្ឋមន្ត្រីរបស់លោក មុនពេលឡើងកាន់តំណែង។

ដោយឡែកចំពោះលោក Hanashi ផ្ទាល់ បានប្រាប់ក្រុមអ្នកយកព័ត៌មាន បន្ទាប់ពីដាក់សំណើសុំលាលែងពីតំណែងទៅកាន់នាយករដ្ឋមន្ត្រី Kishida ថា “ខ្ញុំបានធ្វើឱ្យប្រជាពលរដ្ឋ និងមន្ត្រីក្រសួងមិនសប្បាយចិត្ត ។ ខ្ញុំសម្រេចចិត្តលាលែងពីតំណែង ដើម្បីសម្តែងការសុំទោសរបស់ខ្ញុំចំពោះប្រជាជន និងការប្តេជ្ញាចិត្តរបស់ខ្ញុំក្នុងការចាប់ផ្តើមអាជីពនយោបាយរបស់ខ្ញុំឡើងវិញ”។

ពេលនេះលោកនាយករដ្ឋមន្ត្រី Fumio Kishida បានតែងតាំងលោក Ken Saito អតីតរដ្ឋមន្ត្រីក្រសួងកសិកម្ម ដើម្បីជំនួសលោក Hanashi ៕

ប្រែសម្រួល៖ សន្យា

ប្រភព៖ ​Aljazeera

ចុចអាន៖ ដឹងទេ ព្រឹកមិញ លោក ចូ បៃដិន ពិភាក្សាអ្វីខ្លះ ជាមួយជប៉ុន និងកូរ៉េខាងត្បូង​​?