Connect with us

ព័ត៌មានអន្ដរជាតិ

អាមេរិក ប្រកាសជួយ ថៃ អភិវឌ្ឍម៉ាស៊ីនរ៉េអាក់ទ័រ នុយក្លេអ៊ែរ

បានផុស

នៅ

អនុប្រធានាធិបតីអាមេរិកលោកស្រី Kamala Harris បានប្រកាសក្នុងដំណើរទស្សនកិច្ចកាលពីថ្ងៃសៅរ៍ទី១៩ខែវិច្ឆិកាថា សហរដ្ឋអាមេរិកនឹងជួយប្រទេសថៃ ក្នុងការអភិវឌ្ឍថាមពលនុយក្លេអ៊ែរតាមរយៈម៉ាស៊ីនរ៉េអាក់ទ័រខ្នាតតូចថ្មី ដែលជាផ្នែកនៃកម្មវិធី មានគោលបំណងប្រយុទ្ធប្រឆាំងនឹងបម្រែបម្រួលអាកាសធាតុ។

អនុប្រធានាធិបតីអាមេរិកលោកស្រី Kamala Harris
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេតវិមាននិយាយថា ជំនួយនេះគឺជាផ្នែកមួយនៃគម្រោង Net Zero World Initiative របស់ខ្លួន។ គម្រោងនេះ ចាប់ផ្តើមក្នុងកិច្ចប្រជុំកំពូលអាកាសធាតុនៅទីក្រុង Glasgow ប្រទេសស្កុតឡែនកាលពីឆ្នាំមុន ដែលសហរដ្ឋអាមេរិកបានចាប់ដៃគូជាមួយវិស័យឯកជន និងសប្បុរសជនដើម្បីលើកកម្ពស់ថាមពលស្អាត។

ប្រទេស​ថៃ​មិន​មាន​ថាមពល​នុយក្លេអែរ​ទេ ខណៈសាធារណជនភ័យខ្លាចខ្លាំង បន្ទាប់​ពី​គ្រោះ​មហន្តរាយ​ហ្វូគូស៊ីម៉ា​ឆ្នាំ ២០១១ នៅ​ប្រទេស​ជប៉ុន។

យោងតាមសេតវិមាន, ខ្លួននឹងផ្តល់ជំនួយបច្ចេកទេសដល់ប្រទេសអាស៊ីអាគ្នេយ៍មួយនេះ ដើម្បីដាក់ពង្រាយបច្ចេកវិទ្យាដែលកំពុងអភិវឌ្ឍ នៃម៉ាស៊ីនរ៉េអាក់ទ័រម៉ូឌុលខ្នាតតូច។ ម៉ាស៊ីនរ៉េអាក់ទ័របែបនេះ ជាទូទៅត្រូវបានចាត់ទុកថាមានសុវត្ថិភាពជាង ដោយសារពួកគេមិនត្រូវការអន្តរាគមន៍ពីមនុស្សដើម្បីបិទនោះទេ នៅពេលមានអាសន្ន។

មន្ត្រីជាន់ខ្ពស់អាមេរិកដែលធ្វើដំណើរជាមួយលោកស្រី Harris បាននិយាយក្នុងលក្ខខណ្ឌមិនបញ្ចេញឈ្មោះថា “យើងពិតជាទន្ទឹងរង់ចាំធ្វើការជាមួយប្រទេសថៃ ដើម្បីទាញយកអត្ថប្រយោជន៍ពីម៉ាស៊ីនរ៉េអាក់ទ័រម៉ូឌុលខ្នាតតូច និងប្រភពថាមពលស្អាតដែលអាចទុកចិត្តបាន”។

ទោះបីជាយ៉ាងណាក៏ដោយ សេតវិមានមិនបានបញ្ជាក់ពេលវេលាច្បាស់ៗទេ ប៉ុន្តែនិយាយថា ខ្លួននឹងគាំទ្រប្រទេសថៃ ដែលងាយរងគ្រោះខ្លាំងចំពោះការប្រែប្រួលអាកាសធាតុ ក្នុងគោលដៅឆ្ពោះទៅរកភាពអព្យាក្រឹតនៃកាបូនត្រឹមឆ្នាំ ២០៦៥៕

ប្រែសម្រួល៖ Vann Vann

ប្រភព៖ CNA

ចុចអាន៖ រឿង២យ៉ាង រំខានកិច្ចប្រជុំកំពូល APEC នៅ ថៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា៤៩ នាទី មុន

Elon Musk សាកល្បងបច្ចេកវិទ្យាដាក់បន្ទះឈីបក្នុងខួរក្បាលមនុស្ស ព្យាបាលជំងឺ ២ ប្រភេទ

ជីវិតកម្សាន្ដ៥៤ នាទី មុន

អ្នកជិតខាង Pinky លាតត្រដាងការពិត រឿងផ្ទះធ្លាប់មាន​បញ្ហា​ចម្រូងចម្រាស មុនជាប់​ពន្ធនាគារ

ព័ត៌មានជាតិ៥៦ នាទី មុន

គ្រូវិទ្យាល័យសុរាម្រឹតខេត្តកំពង់ឆ្នាំងហួសចិត្តរឿងក្រសួង​ចាត់តាំង​មន្ត្រីដែលបាន​ផ្អាកការ​ងារជិត២ឆ្នាំ ធ្វើជាអនុប្រធានមណ្ឌលប្រឡង

ជីវិតកម្សាន្ដ១ ម៉ោង មុន

បង្ហាញលក្ខណៈពិសេសរបស់ វណ្ណដា ដែលធ្វើឲ្យអ្នកគាំទ្រផ្ទុះការសរសើរមិនដាច់ពីមាត់​

ព័ត៌មានអន្ដរជាតិ១ ម៉ោង មុន

រដ្ឋាភិបាលស្រមោល មីយ៉ាន់ម៉ា អង្វររកជំនួយអាវុធដូច អ៊ុយក្រែន ដើម្បីតតាំងជាមួយយោធា

Sokha Hotels

ព័ត៌មានពេញនិយម