Connect with us

ព័ត៌មានអន្ដរជាតិ

រឿង២យ៉ាង រំខានកិច្ចប្រជុំកំពូល APEC នៅ ថៃ

បានផុស

នៅ

មេដឹកនាំអាស៊ីប៉ាស៊ីហ្វិក បានប្រមូលផ្តុំគ្នាក្នុងទីក្រុងបាងកកនៅថ្ងៃសុក្រទី១៨ខែវិច្ឆិកានេះ សម្រាប់កិច្ចប្រជុំកំពូល APEC ប៉ុន្តែកាលវិភាគរបស់ពួកគេ ត្រូវបានរំខានដោយការសាកល្បងមីស៊ីលអន្តរទ្វីបរបស់កូរ៉េខាងជើង និងបាតុកម្មដែលប៉ូលិសថៃ បានបាញ់គ្រាប់កាំភ្លើងជ័រ ដើម្បីបំបែកហ្វូងបាតុករ។

មីស៊ីលរបស់កូរ៉េខាងជើង
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនុប្រធានាធិបតីអាមេរិកលោកស្រី Kamala Harris បានកោះប្រជុំមេដឹកនាំនៃប្រទេសអូស្ត្រាលី ជប៉ុន កូរ៉េខាងត្បូង កាណាដា និងនូវែលសេឡង់ នៅខាងក្រៅកិច្ចប្រជុំកំពូលនេះ ដើម្បីពិភាក្សាអំពីការបាញ់មីស៊ីលរបស់កូរ៉េខាងជើង។

មន្ត្រីទទួលបន្ទុកសន្តិសុខ សម្រាប់កិច្ចប្រជុំកំពូលបាននិយាយថា ប៉ូលិសបានបាញ់គ្រាប់កាំភ្លើងជ័រ ដើម្បីបំបែកក្រុមបាតុករប្រឆាំងរដ្ឋាភិបាលថៃប្រហែល៣៥០នាក់ បន្ទាប់មានពីការប៉ះទង្គិចគ្នានៅចម្ងាយប្រហែល១០គីឡូម៉ែត្រ ពីកន្លែងប្រជុំកំពូលក្នុងរាជធានីបាងកក។

បាតុកម្មនៅជិតកន្លែងប្រជុំ APEC

មុននេះ ម្ចាស់ផ្ទះកិច្ចប្រជុំ APEC គឺនាយករដ្ឋមន្ត្រីថៃលោក Prayuth Chan-ocha បានជំរុញឲ្យថ្នាក់ដឹកនាំដែលចូលរួមក្នុងកិច្ចប្រជុំកំពូល ត្រូវស្វែងរកកំណើន និងការអភិវឌ្ឍប្រកបដោយនិរន្តរភាព បន្ទាប់ពីបញ្ហាប្រឈមផ្នែកសេដ្ឋកិច្ច និងសង្គមបណ្តាលមកពីវិបត្តិជំងឺរាតត្បាតកូវីដ១៩, បម្រែបម្រួលអាកាសធាតុ និងការប្រកួតប្រជែងភូមិសាស្ត្រនយោបាយ។

នាយករដ្ឋមន្ត្រីថៃលោក Prayuth Chan-ocha

ដោយត្រូវបានបង្កើតឡើងដើម្បីលើកកម្ពស់សមាហរណកម្មសេដ្ឋកិច្ច, APEC មានសមាជិក២១ប្រទេស បានរួមចំណែក ៣៨% នៃចំនួនប្រជាជនពិភពលោក និង ៦២% នៃផលិតផលក្នុងស្រុកសរុប និង ៤៨% នៃពាណិជ្ជកម្ម។

APEC គឺជាកិច្ចប្រជុំកំពូលលើកទីបីក្នុងតំបន់ ក្នុងរយៈពេលមួយសប្តាហ៍។ កិច្ចប្រជុំកំពូលអាស៊ីអាគ្នេយ៍ ដែលរួមមានចិន ជប៉ុន និងសហរដ្ឋអាមេរិក បានធ្វើឡើងនៅក្នុងប្រទេសកម្ពុជា ខណៈក្រុមប្រទេស G20 បានជួបប្រជុំគ្នានៅលើកោះបាលីរបស់ប្រទេស ឥណ្ឌូណេស៊ី៕

ប្រែសម្រួល៖ Vann Vann

ប្រភព៖ Reuters

ចុចអាន៖ លោក Biden នឹងមិនមកប្រជុំ APEC នៅថៃទេ ព្រោះរវល់ការចៅ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម