ព័ត៌មានអន្ដរជាតិ

នៅថៃ ៖ ឃាត់ខ្លួនប៉ូលិសម្នាក់ ក្រោយរកឃើញថ្នាំញៀនក្នុងវ៉ាលិសជិត ២០ ម៉ឺនគ្រាប់

បានផុស

៣ years មុន

នៅ

ថ្ងៃព្រហស្បតិ៍ ២៩ ធ្នូ ២០២២

ដោយ

ប្រទេសថៃ ៖ មន្ត្រីប៉ូលិសមួយរូប ដែលមានតួនាទីជានាយការិយាល័យប្រឆាំងគ្រឿងញៀន នៃស្នងការដ្ឋាន តម្រួតខេត្ត អ៊ុថៃថានី ត្រូវបានកម្លាំងជំនាញឃាត់ខ្លួនបញ្ជូនទៅតុលាការ ខណៈតម្រួតថៃរូបនេះកំពុងជិះលើរថយន្តក្រុង ដើម្បីនាំយកថ្នាំញៀន ២ វ៉ាលិស ទៅឲ្យមុខសញ្ញានៅក្នុងទីក្រុងបាងកក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឃាត់ខ្លួននេះបានធ្វើឡើងកាលពីរសៀលថ្ងៃទី ២៨ ខែធ្នូ ឆ្នាំ ២០២២ នៅចំណុចប៉ុស្តិ៍ត្រួតពិនិត្យមួយកន្លែង ក្នុងស្រុកម៉ែសាយ ខេត្តឈៀងរ៉ាយ ប្រទេសថៃ។

យោងតាមការផ្សាយរបស់គេហទំព័រក្នុងស្រុកមួយចំនួនបានបញ្ជាក់ថា នៅមុនពេលកើតហេតុ កម្លាំងសមត្ថកិច្ចបានដាក់កម្លាំងឈរជើងលើផ្លូវជាតិដើម្បីត្រួតពិនិត្យទៅលើយានយន្តគ្រប់ប្រភេទ។

នៅពេលនោះដែរ កម្លាំងបានឃាត់រថយន្តក្រុងមួយគ្រឿង ដើម្បីឆែកឆេរ និងត្រួតពិនិត្យ។ នៅពេលដែលកម្លាំងកំពុងឆែកឆេរ ស្រាប់តែមានបុរសម្នាក់ បានរត់ចុះពីរថយន្តក្រុង ហើយរត់សំដៅទៅក្នុងព្រៃ ធ្វើឲ្យមានការសង្ស័យ ទើបកម្លាំងបានដេញចាប់យកមកវិញ។ ស្របពេលនោះ កម្លាំងបានរកឃើញថ្នាំញៀនប្រភេទយ៉ាម៉ាចំនួន ២ វ៉ាលិស ដែលដាក់នៅក្រោមឃ្លុបរថយន្ត និងមានចំនួន ១៩៨.០០០ គ្រាប់ លុះពេលសាកសួរទើបដឹងថា ជារបស់គេមែន។

ក្រោយពីបាននាំខ្លួនយកទៅសាកសួរទើបដឹងថា ជនសង្ស័យមានឈ្មោះ សុរា ចិត្រ ជានាយការិយាល័យប្រឆាំងគ្រឿងញៀន នៃស្នងការដ្ឋានខេត្តអ៊ុថៃថានី ដោយគេបានសារភាពថា មានគេជួលខ្លួនឲ្យនាំថ្នាំញៀនចេញពីឃុំម៉ែសាយ ស្រុកម៉ែសាយ ខេត្តឈៀងរ៉ាយ យកទៅឲ្យម៉ូយនៅក្នុងទីក្រុងបាងកក ដោយទទួលបានកម្រៃចំនួន ១០ ម៉ឺនបាត។

ក្រោយមកទើបដឹងថា ជនសង្ស័យមានបញ្ហាធ្ងន់ធ្ងររឿងលុយកាក់ ព្រោះកាលពីថ្ងៃទី ៥ កន្លងទៅ គេត្រូវធនាគារប្ដឹងបង្កកទ្រព្យសម្បត្តិដោយសារបំណុល៕

អត្ថបទ ៖ សោ និយមរ័ត្ន

Related Topics:ប្រទេសថៃ ថ្នាំញៀន

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា