ព័ត៌មានអន្ដរជាតិ
ទួរគី កាត់ទោសមេដឹកនាំសាសនាម្នាក់ ជាប់ពន្ធនាគារ ១,០៧៥ឆ្នាំ
តុលាការទួរគីបានកាត់ទោសមេដឹកនាំសាសនាលោក Adnan Oktar ឲ្យជាប់ពន្ធនាគារជាង១,០០០ឆ្នាំ ពាក់ព័ន្ធបទឧក្រិដ្ឋ១០ករណីផ្សេងៗគ្នា។
ប្រភពបានឲ្យដឹងកាលពីថ្ងៃចន្ទថា តុលាការក្នុងទីក្រុង អ៊ីស្តង់ប៊ុល បានកាត់ទោសជនជាប់ចោទចំនួន២៣៦នាក់ ដោយក្នុងនោះមាន៧៨នាក់ត្រូវបានចោទប្រកាន់ពីបទឧក្រិដ្ឋកម្ម ដែលរៀបចំឡើងក្រោមការដឹកនាំរបស់លោក Oktar។
តុលាការបានផ្តន្ទាទោសឲ្យលោក Oktar ជាប់ពន្ធនាគារសរុប១,០៧៥ឆ្នាំនិង៣ខែ ពីបទចោទប្រកាន់បង្កើតនិងដឹកនាំអង្គការឧក្រិដ្ឋកម្ម, ធ្វើចារកម្មនយោបាយឬយោធា, ជួយដល់អង្គការភេរវករ Fetullah (FETO), រំលោភអនីតិជន, រំលោភបំពានផ្លូវភេទ, ដកហូតសិទ្ធិសេរីភាពរបស់បុគ្គល, ធ្វើទារុណកម្ម, រំខានដល់សិទ្ធិក្នុងការអប់រំ, កត់ត្រាទុកទិន្នន័យផ្ទាល់ខ្លួននិងការគំរាមកំហែងផ្សេងៗ។
មេដឹកនាំសាសនាអាយុ៦៤ឆ្នាំដែលជាម្ចាស់ប៉ុស្តិ៍ទូរទស្សន៍មួយរូបនេះ ត្រូវបានចាប់ខ្លួនកាលពីឆ្នាំ២០១៨ រួមជាមួយអ្នករួមសហការចំនួន២០០នាក់ បន្ទាប់ពីមានការចោទប្រកាន់ពីបទរំលោភបំពានផ្លូវភេទនិងចាប់ពង្រត់អនីតិជន។
ជនជាប់ចោទម្នាក់ឈ្មោះ Tarkan Yavas ត្រូវបានផ្តន្ទាទោសដាក់ពន្ធនាគាររយៈពេល២១១ឆ្នាំ ដោយសារគាត់ធ្វើជាសមាជិកប្រតិបត្តិនៃអង្គការ FETO, រំលោភបំពានផ្លូវភេទលើអនីតិជន, រំលោភបំពានផ្លូវភេទ, ធ្វើសេចក្តីថ្លែងការណ៍មិនត្រឹមត្រូវអំពីទ្រព្យសម្បត្តិនិងបំពានក្នុងឯកសារផ្លូវការ។
ជនជាប់ចោទម្នាក់ទៀតឈ្មោះ Oktar Babuna ត្រូវបានផ្តន្ទាទោស ឲ្យជាប់ពន្ធនាគាររយៈពេល១៨៦ឆ្នាំដោយសារគាត់ធ្វើជាសមាជិកប្រតិបត្តិនៃអង្គការ FETO, រំលោភបំពានផ្លូវភេទលើអនីតិជននិងរំលោភបំពានផ្លូវភេទ។
តុលាការកំពុងបន្តប្រកាសសេចក្តីសម្រេចលើជនជាប់ចោទផ្សេងទៀត៕
ប្រែសម្រួលដោយ៖ Vann Vann
ប្រភព៖ TRT World
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង