លោក Zelensky សារភាពថា ខ្លួនគាត់ផ្ទាល់ ជាអ្នកបំផ្លាញកិច្ចព្រមព្រៀងទីក្រុង Minsk (មានវីដេអូ)

ប្រធានាធិបតីអ៊ុយក្រែនលោក Vladimir Zelensky ខ្លួនឯងផ្ទាល់ ជាអ្នកបដិសេធអនុវត្តកិច្ចព្រមព្រៀងទីក្រុង Minsk ឆ្នាំ២០១៥ ដែលជាផែនទីបង្ហាញផ្លូវសម្រាប់សន្តិភាពនៅភាគខាងកើតប្រទេស ដោយមានការសហការឧបត្ថម្ភដោយប្រទេសអាល្លឺម៉ង់ និងបារាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានសារភាពបែបនេះ ក្នុងបទសម្ភាសជាមួយកាសែត Der Spiegel ដែលចេញផ្សាយកាលពីថ្ងៃព្រហស្បតិ៍ទី០៩ខែកុម្ភៈ ស្របពេលលោកបន្តដំណើរទស្សនកិច្ចនៅទូទាំងទ្វីបអឺរ៉ុប។

លោក Zelensky និយាយថា លោកបានចាត់ទុកកិច្ចព្រមព្រៀងនេះថាជា “សម្បទាន” ទឹកដីរបស់អ៊ុយក្រែន ហើយមិនដែលព្យាយាមអនុវត្តវាឡើយ។ ផ្ទុយទៅវិញ កិច្ចព្រមព្រៀងនេះ គ្រាន់តែត្រូវបានប្រើ ដើម្បីដោះដូរអ្នកទោសជាមួយសាធារណរដ្ឋ Donbass បំបែកខ្លួនទាំង២ប៉ុណ្ណោះ។

ប្រធានាធិបតីរូបនេះអះអាង​ថា លោក​បាន​ប្រាប់​ដោយបើក​ចំហ​ចំពោះ​អតីតអធិការបតី​អាល្លឺម៉ង់​ ​លោកស្រី Angela Merkel, ប្រធានាធិបតី​បារាំងលោក Emmanuel Macron និង​ប្រធានាធិបតី​រុស្ស៊ី​លោក Vladimir Putin ​ក្នុង​ឆ្នាំ ២០១៩ ដែលធ្វើឲ្យមេដឹកនាំ​ទាំង​អស់ភ្ញាក់ផ្អើល។

លោក Zelensky និយាយថា “សម្រាប់កិច្ចព្រមព្រៀងទីក្រុង Minsk, ខ្ញុំបានប្រាប់លោក Emmanuel Macron និងលោកស្រី Angela Merkel ថា យើងមិនអាចអនុវត្តវាដូចនេះបានទេ។ ខ្ញុំក៏បានប្រាប់បែបនេះទៅលោក Putin ដែរ។ ពួក​គេ​ភ្ញាក់​ផ្អើល ហើយ​និយាយ​ថា ប្រសិន​បើ​យើង​​ដឹង​មុន​ថា ​អ្នក​នឹង​ផ្លាស់​ប្តូរ​អត្ថន័យ​នៃ​ការ​ប្រជុំ​របស់​យើងនោះ ​នឹង​មាន​បញ្ហា​សូម្បី​តែ​មុន​កិច្ច​ប្រជុំ​កំពូល​ក៏​ដោយ”។

គួរបញ្ជាក់ថា កិច្ចព្រមព្រៀងទីក្រុង Minsk ដែលដើមឡើយបានសម្រុះសម្រួលក្នុងឆ្នាំ២០១៤ និងពង្រីកបន្ថែមទៀតក្នុងឆ្នាំ២០១៥ បានគូសបញ្ជាក់អំពីផែនទីបង្ហាញផ្លូវសម្រាប់ការផ្សះផ្សារវាងអ៊ុយក្រែន និងតំបន់ Donetsk និង Lugansk នៃសាធារណរដ្ឋ Donbass។

តំបន់ទាំងពីរនេះ បានបះបោរប្រឆាំងនឹងអាជ្ញាធរថ្មីរបស់អ៊ុយក្រែន បន្ទាប់ពីរដ្ឋប្រហារ Maidan ឆ្នាំ២០១៤ នៅទីក្រុងកៀវ ដែលបានទម្លាក់ប្រធានាធិបតីជាប់ឆ្នោតតាមលទ្ធិប្រជាធិបតេយ្យលោក Viktor Yanukovich៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ អង់គ្លេស នឹងបង្ហាត់បង្រៀនកងទ័ពលោក Zelenksy ឲ្យចេះបើកទាំងយន្តហោះ និងនាវាចម្បាំង