ព័ត៌មានអន្ដរជាតិ
សាវតារខ្លះៗ របស់លោក Anwar Ibrahim នាយករដ្ឋមន្ត្រី ម៉ាឡេស៊ី ដែលកំពុងទស្សនកិច្ចនៅ កម្ពុជា
នៅព្រឹកថ្ងៃទី២៧ ខែមីនា ឆ្នាំ ២០២៣ នេះ លោក Anwar Ibrahim នាយករដ្ឋមន្ត្រីនៃប្រទេសម៉ាឡេស៊ី បានអញ្ជើញមកបំពេញទស្សនកិច្ចផ្លូវការនៅព្រះរាជាណាចក្រកម្ពុជា តបតាមការអញ្ជើញរបស់សម្តេច ហ៊ុន សែន នាយករដ្ឋមន្ត្រីនៃកម្ពុជា ។
ដូច្នេះមុនក្លាយជានាយករដ្ឋមន្ត្រីម៉ាឡេស៊ី និងអញ្ជើញមកទឹកដីនៃព្រះរាជាណាចក្រកម្ពុជា តើលោក Anwar មានសាវតារបែបណាខ្លះ?
លោក Anwar Ibrahim កើតនៅឆ្នាំ ១៩៤៧ ក្នុងគ្រួសារជាអ្នកនយោបាយម៉ាឡេស៊ី ។ ដោយមានឥទ្ធិពលពីគ្រួសារស្រាប់ លោកបានចូលប្រឡូកក្នុងឆាកនយោបាយនៅចុងទស្សវត្សន៍ ៦០ ដោយដឹកនាំចលនានិស្សិតនៅសកលវិទ្យាល័យម៉ាឡាយ៉ា ។
ដោយសារការចាប់ផ្តើមសកម្មភាពនយោបាយរបស់លោកកាន់តែប្រសើរ បានធ្វើឲ្យលោក Anwar ក្លាយជារដ្ឋមន្ត្រីក្រសួងយុវជន កីឡា និងវប្បធម៏នៅឆ្នាំ ១៩៨៣, រដ្ឋមន្ត្រីក្រសួងកសិកម្មឆ្នាំ ១៩៨៤ និងកាន់តំណែងនៅក្រសួងអប់រំ ចាប់ពីឆ្នាំ ១៩៨៦ ដល់ឆ្នាំ ១៩៩១ ។ បន្ទាប់ពីមានស្នាដៃជាហូរហែ លោកក៏ឡើងតំណែងជារដ្ឋមន្ត្រីហិរញ្ញវត្ថុ នៅឆ្នាំ ១៩៩១ ដល់ឆ្នាំ ១៩៩៨ និងបន្តឡើងជាឧបនាយករដ្ឋមន្ត្រីពីឆ្នាំ ១៩៩៣ ដល់ឆ្នាំ ១៩៩៨ ។
ស្នាដៃជាបន្តបន្ទាប់របស់លោក Anwar នោះគឺ នៅពេលម៉ាឡេស៊ីជាប់គាំងនៅក្នុងវិបត្តិហិរញវត្ថុអាស៊ីឆ្នាំ ១៩៩៧ ដល់ឆ្នាំ ១៩៩៨, លោកបានដោះស្រាយវិបត្តិមួយនេះប្រកបដោយជោគជ័យ ហើយត្រូវបានទទួលស្គាល់ថាជា “Asian of the Year “ ដោយទស្សនាវដ្ដី Newsweek ។ ប៉ុន្តែទង្វើររបស់លោកមិនទទួលបានការពេញចិត្តពីសំណាក់លោក Mahathir Mohamad និងសម្ព័ន្ធមិត្តឡើយ ដោយលោកត្រូវបានដកចេញពីជួររដ្ឋាភិបាល ក៏ដូចជាបណ្តេញចេញពីបក្ស រួចចាប់ដាក់ពន្ធាគារឆ្នាំ ១៩៩៩ ។
រហូតដល់ឆ្នាំ ២០១២ ទើបលោក Anwar ត្រូវបានតុលាការជាន់ខ្ពស់ម៉ាឡេស៊ីលើកលែងទោសឲ្យមានសេរីភាពឡើងវិញ ។ ប៉ុន្តែនៅឆ្នាំ ២០១៤ លោកក៏ត្រូវបានចាប់ដាក់ពន្ធាគារម្តងទៀត រហូតដល់ឆ្នាំ ២០១៨ លោកទទួលបានការប្រោសប្រណីដោះលែងចេញពីពន្ធនាគារវិញ ។
ជាមួយការចំណាយពេលជាង ១០ ឆ្នាំ ក្នុងពន្ធនាគារ និងឆ្លងកាត់ឆាកនយោបាយជាច្រើនក្នុងប្រទេស លោក Anwar បានត្រឡប់ចូលក្នុងសភាវិញ បន្ទាប់ពីឈ្នះការបោះឆ្នោតក្នុងខែកញ្ញា ឆ្នាំ ២០១៨ ហើយទីបំផុតនៅវ័យ ៧៥ ឆ្នាំ លោកត្រូវបានជាប់ឆ្នោតសម្រេចក្លាយជានាយករដ្ឋមន្ត្រីម៉ាឡេស៊ីទី ១០ ជាផ្លូវការនៅក្នុងឆ្នាំ ២០២២ កន្លងទៅនេះ ៕
ប្រែសម្រួលដោយ ៖ នាង រតនៈ
ប្រភព ៖ Anwar Ibrahim
ចុចអាន ៖ IMF ថា សេដ្ឋកិច្ច ចិន នឹងរួមចំណែកមួយភាគបី នៃកំណើនពិភពលោក
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង