សេដ្ឋកិច្ច

IMF ថា សេដ្ឋកិច្ច ចិន នឹងរួមចំណែកមួយភាគបី នៃកំណើនពិភពលោក

បានផុស

៣ years មុន

នៅ

ថ្ងៃចន្ទ ២៧ មីនា ២០២៣

ដោយ

យោងតាមការបញ្ជាក់របស់នាយកគ្រប់គ្រងមូលនិធិរូបិយវត្ថុអន្តរជាតិ (IMF) បានព្យាករណ៍ថា ចិននឹងដើរតួយ៉ាងសំខាន់ ក្នុងការរួមចំណែកប្រហែលមួយភាគបីនៃកំណើនសេដ្ឋកិច្ចពិភពលោកក្នុងឆ្នាំ ២០២៣ នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងវេទិកាអភិវឌ្ឍន៍ចិនឆ្នាំ ២០២៣ ក្នុងទីក្រុងប៉េកាំង លោកស្រី Kristalina Georgieva បាននិយាយថា ការស្ទុះឡើងវិញនៃសេដ្ឋកិច្ចចិន គឺពិតជាចូលរួមសំខាន់ក្នុងសេដ្ឋកិច្ចពិភពលោក ។ បើយោងតាមការវិភាគរបស់ IMF បានឲ្យដឹងថា កំណើន ១ ភាគរយនៃផលិតផលក្នុងស្រុកសរុប (GDP) របស់ចិន នឹងនាំឲ្យមានការកើនឡើង ០.៣ ភាគរយ នៃកំណើនក្នុងសេដ្ឋកិច្ចអាស៊ីផ្សេងទៀត ។

លោកស្រី Georgieva បញ្ជាក់ទៀតថា សេដ្ឋកិច្ច គឺមិនអាក្រក់ទាំងអស់នោះទេ ដោយសារប្រទេសមួយចំនួនកំពុងមានកំណើនមកវិញដែរ ដូចជាប្រទេសចិនជាដើម ។

លោកស្រីបានបន្ថែមថា ការងើបឡើងវិញនៃសេដ្ឋកិច្ចចិន នឹងកសាងសន្ទុះវិជ្ជមានតាមរយៈគោលនយោបាយទូលំទូលាយឆ្ពោះទៅរកការរួមបញ្ចូលគ្នាជាមួយប្រទេសដែលមានសេដ្ឋកិច្ចជឿនលឿន ។

ដូចគ្នានេះ ការស្រាវជ្រាវរបស់ IMF ក៏បង្ហាញផងដែរថា កំណែទម្រង់ការបង្កើនផលិតភាពនៅក្នុងប្រទេសចិន អាចបង្កើន GDP បានដល់ទៅ ២.៥ ភាគរយនៅឆ្នាំ ២០២៧ និងប្រហែល ១៨ ភាគរយនៅឆ្នាំ ២០៣៧ ពោលជាកំណើនដ៏មានគុណភាពខ្ពស់ ៕

ប្រែសម្រួលដោយ ៖ នាង រតនៈ

ប្រភព ៖ Anadolu

ចុចអាន ៖ IMF ចេញការព្រមាន អំពីស្ថិរភាពសេដ្ឋកិច្ចពិភពលោក