ព័ត៌មានអន្ដរជាតិ
ម៉ាឡេស៊ី រឹបអូសបានគ្រឿងញៀនធំបំផុតក្នុងប្រវត្តិសាស្រ្ត
អាជ្ញាធរបាននិយាយកាលពីថ្ងៃអាទិត្យទី១៧ខែមករាម្សិលមិញថា ប៉ូលិសរដ្ឋ Johor នៅសប្តាហ៍នេះ បានរឹបអូសគ្រឿងញៀនមានតម្លៃស្មើនឹង៤២.៨លានដុល្លារអាមេរិកដែល ជាការរឹបអូសធំបំផុតក្នុងប្រវត្តិសាស្ត្ររបស់នាយកដ្ឋានប្រឆាំងគ្រឿងញៀនម៉ាឡេស៊ី។
លោក Ayob Khan Mydin Pitchay អធិការនគរបាលរដ្ឋ Johor បាននិយាយថា ក្រុមមន្ត្រីបានធ្វើការវាយឆ្មក់ចំនួន៣លើកកាលពីថ្ងៃព្រហស្បតិ៍និងថ្ងៃសុក្រ បន្ទាប់ពីមានការស៊ើបអង្កេតលើជនសង្ស័យចំនួន១៤នាក់ពីបទ រត់ពន្ធនិងចែកចាយគ្រឿងញៀន។
នៅក្នុងប្រតិបត្តិការដំបូងកាលពីថ្ងៃអង្គារសប្តាហ៍មុន នាយកដ្ឋានស៊ើបអង្កេតឧក្រិដ្ឋកម្មគ្រឿងញៀន (NCID) បានរកឃើញមន្ទីរពិសោធន៍កែច្នៃគ្រឿងញៀនចំនួន២កន្លែងនិងហាងចំនួន២ដែលផ្ទុកនូវគ្រឿងញៀនមានតម្លៃ១២២.៨លានរីងហ្គីត។
លោកបានបន្ថែមថា “ការសួរចម្លើយជនសង្ស័យបាននាំឲ្យប៉ូលិសឆ្មក់ចូលទីតាំងចំនួន៣ផ្សេងទៀតដែលត្រូវបានប្រើដើម្បីរក្សាទុកគ្រឿងញៀន។ មួយគឺរោងចក្រនៅតំបន់ Taman Mount Austin និងផ្ទះជួល២កន្លែងនៅ Taman Setia Indah”។
ក្នុងការឆ្មក់ទាំងនេះ ប៉ូលិសបានរកឃើញម្សៅ Ecstasy ចំនួន៣.២តោន, Ecstasy រាវ២៦.១គីឡូក្រាមនិងម្សៅ Erimin-5 ១១៧គីឡូក្រាម។
ប៉ូលិសបានប៉ាន់ស្មានថា សារធាតុទាំងនេះអាចត្រូវបានប្រើប្រាស់ដោយអ្នកញៀនថ្នាំចំនួន១១លាននាក់។
វត្ថុតាងដែលក៏ត្រូវបានរឹបអូសពីជនសង្ស័យផងដែរនោះគឺមាន រថយន្តទំនើបចំនួន៤គ្រឿង, លុយសុទ្ធ៥លានរីងហ្គីត, រូបិយប័ណ្ណបរទេសមានតម្លៃស្មើ២៣១.៩៦១រីងហ្គីត, គ្រឿងអលង្ការ៣០ប្រភេទមានតម្លៃ១២២,៤៣៥រីងហ្គីត, នាឡិការម៉ាក Rolex ៣គ្រឿងមានតម្លៃ២៥០,០០០រីងហ្គីតនិងគណនីធនាគារចំនួន៦២ដែលមានទឹកប្រាក់សរុប១.២៣លានរីងហ្គីត។
លោក Ayob Khan បាននិយាយថា ជារួម ការរឹបអូសគ្រឿងញៀនសរុបដោយប៉ូលិសរដ្ឋ Johor ចាប់តាំងពីថ្ងៃអង្គារមកមានតម្លៃស្មើ៣៤១.៧៩លានរីងហ្គីត។ លោកបន្ថែមថា ប៉ូលិសនឹងតាមរកក្រុមដែលនៅសេសសល់៕
ប្រែសម្រួលដោយ៖ Vann Vann
ប្រភព៖ CNA
ចុចអាន៖ ប៉ូលិសថៃ ចាប់រំលោភជនសង្ស័យគ្រឿងញៀនមីយ៉ាន់ម៉ា ក្នុងប៉ុស្តិ៍ប៉ូលិស
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ