ព័ត៌មានអន្ដរជាតិ
លេចធ្លាយឯកសារ ៖ អាមេរិក បារម្ភខ្លាំងថា តៃវ៉ាន់ មិនអាចមានសមត្ថភាពទប់ ចិន ឡើយ
បើយោងតាមឯកសារលេចធ្លាយចេញពីបណ្ដាញស៊ើបការណ៍យោធាអាមេរិកបានឲ្យដឹងថា ទីក្រុងវ៉ាស៊ីនតោនមានការព្រួយបារម្ភយ៉ាងខ្លាំង អំពីសមត្ថភាពរបស់តៃវ៉ាន់ក្នុងការការពារខ្លួន ប្រសិបើមានការវាយប្រហារណាមួយពីទីក្រុងប៉េកាំង ។
កាសែត Washington Post បានរាយការណ៍កាលពីពេលថ្មីៗនេះថា ឯកសារលេចធ្លាយចេញពីឆ្មាំជាតិអាមេរិកអាយុ ២១ ឆ្នាំដែលទើបនឹងចាប់ខ្លួននោះបានបង្ហាញថា ទីក្រុងប៉េកាំងទំនងជានឹងកាន់កាប់ដែនអាកាសលើកោះតៃវ៉ាន់ នៅពេលជម្លោះផ្ទុះឡើងនៅក្នុងតំបន់ជុំវិញច្រកសមុទ្រតៃវ៉ាន់ ។
ទន្ទឹមនោះ ការវាយតម្លៃរបស់មន្ទីរបញ្ចកោណអំពីការលេចធ្លាយឯកសារនេះក៏បង្ហាញដែរថា ថ្នាក់ដឹកនាំយោធារបស់ទីក្រុងតៃប៉ិមានការសង្ស័យជុំវិញសមត្ថភាពរបស់ខ្លួនក្នុងការស្ទាក់ចាប់ការបាញ់កាំជ្រួចមីស៊ីលរបស់ចិន ដោយសារតែកោះនេះមានយន្តហោះចម្បាំងតែប្រហែល ៥០ ភាគរយប៉ុណ្ណោះ បើប្រៀបធៀបទៅនឹងកងកម្លាំងដែនអាកាសដ៏មានសក្ដានុពលរបស់ទីក្រុងប៉េកាំង ។
ទោះជាយ៉ាងណាក៏ដោយ ក្រសួងការពារជាតិរបស់តៃវ៉ាន់បានិយាយនៅក្នុងសេចក្តីថ្លែងការណ៍របស់ខ្លួនទៅកាន់កាសែត Washington Post ថា “កងកម្លាំងយោធារបស់ខ្លួនពិតជាមានសមត្ថភាព មានការប្តេជ្ញាចិត្ត និងទំនុកចិត្តក្នុងការធានាសន្តិសុខ ក៏ដូចជាសុវត្ថិភាពនៅលើកោះនេះបាន ។
របាយការណ៍ដ៏អាក្រក់ស្តីពីប្រសិទ្ធភាពការពាររបស់តៃវ៉ាន់កើតឡើងប៉ុន្មានថ្ងៃប៉ុណ្ណោះ បន្ទាប់ពីខ្លួនកោះនេះបានធ្វើសមយុទ្ធយោធា ដើម្បីរៀបចំផែនការឆ្លើយតបជាច្រើនចំពោះការវាយប្រហារដោយមីស៊ីល និងអាវុធគីមីរបស់ចិន ។ រឿងរ៉ាវទាំងនេះក៏បានកើតឡើង បន្ទាប់ពីទីក្រុងប៉េកាំងបានធ្វើសមយុទ្ធយោធា ដែលមានសេណារីយ៉ូពាក់ព័ន្ធនឹង “ការឡោមព័ទ្ធ” នៃកោះនេះផងដែរ ។
ស្របពេលជាមួយគ្នានេះ ការព្រួយបារម្ភរបស់ទីក្រុងវ៉ាស៊ីនតោន ទាក់ទងនឹងបញ្ហាសន្តិសុខជាក់ស្តែងរបស់ទីក្រុងតៃប៉ិ ក៏ដោយសារតែការមិនសប្បាយចិត្តទៅនឹងទីក្រុងប៉េកាំងអំពីការជ្រៀតជ្រែកជាក់ស្តែងរបស់សហរដ្ឋអាមេរិកនៅក្នុងតំបន់ ។
ប្រទេសចិនបានបង្កើនសមយុទ្ធយោធារបស់ខ្លួនកាលពីឆ្នាំមុន បន្ទាប់ពីដំណើរទស្សនកិច្ចទៅកាន់កោះតៃវ៉ាន់ដោយអតីតប្រធានសភាអាមេរិកលោកស្រី Nancy Pelosi ខណៈដែលទីក្រុងប៉េកាំងក៏បានសម្តែងការខឹងសម្បារផងដែរនៅពេលដែលមេដឹកនាំកោះនេះលោកស្រី Tsai Ing-wen បានជួបជាមួយប្រធានសភាបច្ចុប្បន្នគឺលោក Kevin McCarthy នៅរដ្ឋកាលីហ្វ័រញ៉ាកាលពីដើមខែនេះ ៕
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ លោក ពូទីន ជួបរដ្ឋមន្ត្រីការពារជាតិ ចិន នៅ មូស្គូ ដើម្បីពង្រឹងទំនាក់ទំនងយោធា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ