បុរសចិនម្នាក់ ឈ្នះរង្វាន់ប្រាក់ខែមួយឆ្នាំពេញពីក្រុមហ៊ុន ដោយមិនបាច់ទៅធ្វើការ

កាលពីថ្ងៃទី ៩ ខែមេសា ឆ្នាំ ២០២៣ នេះនៅខេត្តក្វាងទុង ភាគខាងត្បូងប្រទេសចិន មានការជប់លៀងប្រចាំឆ្នាំលើកដំបូងមួយរបស់ក្រុមហ៊ុនក្នុងរយៈពេលបីឆ្នាំដោយសារជំងឺរាតត្បាតកូវីដ-១៩ ។

ក្នុងឱកាសនោះថៅកែបានសម្រេចចិត្តពញ្ញាក់អារម្មណ៍បុគ្គលិកជាមួយនឹងរង្វាន់ដ៏ពិសេសដែលជាសំណាងមួយលើ ១០០០ នាក់តែប៉ុណ្ណោះគឺច្បាប់ឈប់ ៣៦៥ ថ្ងៃ ។

បុរសកំពូលសំណាងមានឈ្មោះថា លូ ឆិន ធ្វើការជាអ្នកគ្រប់គ្រងផ្នែកមួយក្នុងក្រុមហ៊ុន លោកនិយាយថា “នរណានឹងធ្វើការងាររបស់ខ្ញុំ?” ។ លោកលូជាបុគ្គលិកយូរឆ្នាំដែលធ្វើការនៅក្រុមហ៊ុននាំចូលអាហារតាំងពី ១៤ ឆ្នាំមុនមកម្ល៉េះ ហើយគាត់មិនធ្លាប់ឈ្នះរង្វាន់ធំដូចលើកនេះទាល់តែសោះ ។

តាមពិតទៅក្រុមហ៊ុនបានផ្ដល់ជម្រើសឲ្យលោកលូសម្រាប់ជ្រើសរើសដល់ទៅ ២ យ៉ាងគឺ យកប្រាក់ខែមួយឆ្នាំពេញពីក្រុមហ៊ុនដោយមិនបាច់ទៅធ្វើការ ឬទៅធ្វើការនិងទទួលប្រាក់បន្ថែម ។

បន្ទាប់ពីមហាជនក្នុងបណ្ដាញសង្គមអ៊ីនធឺណែតចំនួន ២៥០ លាននាក់ (ចំនួនអ្នកមើលកាលពីថ្ងៃទី ១២ ខែមេសា) បានដឹងពីជម្រើសទាំងពីរនោះ ពួកគេណែនាំឲ្យលោកលូបន្តធ្វើការយកប្រាក់បន្ថែមព្រោះខ្លាចមានអ្នកជំនួសតំណែងរបស់គាត់ លោកបញ្ជាក់ដែលថា ខ្លួនជឿជាក់លើក្រុមហ៊ុននឹងមិនឆ្លៀតឱកាសយកអ្នកថ្មីមកជំនួយតំណែងគាត់ឡើយ ។

យ៉ាងណាមិញលោកលូវិញនៅមិនទាន់សម្រេចចិត្តទេ ប៉ុន្តែគាត់ចង់សម្រាកដើម្បីមានពេលវេលាជួបជុំគ្រួសារជាង ណាមួយបុរសសំណាងរូបនេះហត់នឿយជាមួយការងារយូរមកហើយមិនងាយមានឱកាសសម្រាកដល់ទៅ ៣៦៥ ថ្ងៃទេ ៕

ប្រភព ៖ scmp

ចុចអាន ៖ ទទួលស្គាល់ទៅថាអ្នកច្រណែនគេហើយ បើសង្កេតឃើញ  ៦ ចំណុចនេះពីខ្លួនឯង