អតីតវិស្វករអគ្គិសនីមួយរូប កែច្នៃយន្តហោះទៅជាផ្ទះដ៏កក់ក្ដៅនៅក្នុងព្រៃ សហរដ្ឋអាមេរិក

លោក Bruce Campell វ័យ ៦៤ ឆ្នាំជាអតីតវិស្វករអគ្គិសនីដែលមានគំនិតច្នៃប្រឌិតខ្ពស់តាំងពីក្មេងមកម្ល៉េះ កាលពីគាត់មានអាយុប្រហែល ២០ ឆ្នាំលោកបានទិញដីក្នុងព្រៃ Hillsboro រដ្ឋ Oregon ទំហំជាង ៤ ហិតាក្រោមតម្លៃ ២៣,០០០ ដុល្លារដើម្បីទុកសាងសង់ផ្ទះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដល់ឆ្នាំ ១៩៩៩ លោក Bruce បានទិញយន្តហោះ Boeing ៧២៧ ពីអាកាសចរណ៍អូឡាំពិកក្នុងតម្លៃ ១០ ម៉ឺនដុល្លារ ប៉ុន្តែដោយសារបញ្ហាដឹកជញ្ជូនលោកចាំបាច់ត្រូវចំណាយ ១២ ម៉ឺនដុល្លារបន្ថែមទៀត ដូច្នេះយន្តហោះនេះមានតម្លៃសរុប ២២ ម៉ឺនដុល្លារ ។

នៅខាងក្នុងយន្តហោះមានគ្រប់យ៉ាងតាមសេចក្ដីត្រូវការប្រៀបបាននឹងផ្ទះដ៏ពេញលេញមួយដូចជា បង្គន់ ពូកគេង ម៉ាស៊ីនបោកខោអាវ កន្លែងលាងចាន និងចង្ក្រានសម្រាប់ធ្វើម្ហូបផងដែរ ។

ជាក់ស្ដែងកាលពីក្មេង Bruce Campell មានបំណងសាងសង់ផ្ទះធម្មតាប៉ុណ្ណោះ បន្ទាប់ពីគាត់ស្គាល់ជាងកាត់សក់ស្រី Joanne Ussery ដែលទិញយន្តហោះ Boeing ៧២៧ ប្រែក្លាយជាផ្ទះ ទើបគាត់ផ្លាស់ប្ដូរផែនការធ្វើតាមនាងទៅវិញ ៕

ប្រែសម្រួល ៖ វារី

ចុចអាន ៖ បុរសម្នាក់វង្វេងក្នុងព្រៃអាម៉ាហ្សូន ៣១ ថ្ងៃ នៅមានជីវិតដោយសារញ៉ាំដង្កូវជាអាហារ