អាកាសធាតុនៅវៀតណាម ក្តៅខ្លាំងបំបែកកំណត់ត្រាថ្មី

ជាកំណត់ត្រាថ្មី សីតុណ្ហភាពនៅក្នុងខេត្ត Nghe An ភាគកណ្តាលប្រទេសវៀតណាម បានឡើងដល់ ៤៤.២ អង្សាសេកាលពីថ្ងៃអាទិត្យទី៧ខែឧសភា។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សីតុណ្ហភាពនេះ បានឡើងលើសកំណត់ត្រាចាស់ ៤៤.១អង្សសេ ដែលកត់ត្រាកាលពីថ្ងៃសៅរ៍នៅក្នុងខេត្ត Thanh Hoa។

ប៉ុន្តែ​ទោះបីជាយ៉ាងណាក៏ដោយ ខ្យល់​ត្រជាក់មក​ពី​តំបន់​ភាគ​ខាងជើង ប្រហែលជា​នឹង​ធ្វើឲ្យ​សីតុណ្ហភាព​ធ្លាក់​ចុះវិញ ​ចាប់ពី​ថ្ងៃ​ចន្ទ​នេះ​ទៅ​។

ស្របពេលជាមួយគ្នានោះ យោងតាមគេហទំព័រ AccuWeather បានឲ្យដឹងថា សីតុណ្ហភាពត្រូវបានព្យាករថានឹងស្ថិតក្នុងរង្វង់២២ទៅ២៧អង្សាសេនៅទីក្រុងហាណូយ ហើយអាចកើនឡើងដល់៣៥អង្សាសេ ក្នុងរយៈពេលប៉ុន្មានថ្ងៃបន្ទាប់ មុនពេលធ្លាក់ចុះម្តងទៀតនៅចុងសប្តាហ៍។

ចំណែកតំបន់​កណ្តាល ​ត្រូវ​បាន​គេ​រំពឹង​ថា​នឹង​មាន​ភ្លៀង​ធ្លាក់​ពី ២០ទៅ៥០មិល្លី​ម៉ែត្រ​ក្នុង​តំបន់​មួយ​ចំនួន​នៅដើមសប្តាហ៍នេះ។

គួរបញ្ជាក់ថា ក្នុងខែនេះ សីតុណ្ហភាពជាមធ្យមរបស់ប្រទេសវៀតណាម ត្រូវបានគេព្យាករថានឹងខ្ពស់ជាងឆ្នាំមុនៗ ០.៥ ទៅ១អង្សាសេ ដោយតំបន់ភាគខាងជើង និងកណ្តាលទំនងជាមានកម្តៅខ្លាំងជាងមុន និងមានភ្លៀងធ្លាក់តិច៕

ប្រែសម្រួល៖ Vann Vann

ប្រភព៖ VN Express

ចុចអាន៖ វៀតណាម ជួបអាកាសធាតុក្តៅខ្លាំងបំផុត មិនធ្លាប់មានសោះក្នុងប្រវត្តិសាស្រ្ត