ព័ត៌មានអន្ដរជាតិ
ផ្ទុះបាតុកម្មពាសពេញប្រទេសប៉ាគីស្ថាន ក្រោយអតីតនាយករដ្ឋមន្ត្រី Imran Khan ត្រូវចាប់ខ្លួន
អំពើហិង្សាបានកើតឡើងនៅក្នុងប្រទេសប៉ាគីស្ថាន រវាងកងកម្លាំងសន្តិសុខ និងអ្នកគាំទ្រអតីតនាយករដ្ឋមន្ត្រី Imran Khan បន្ទាប់ពីគាត់ត្រូវបានចាប់ខ្លួននៅតុលាការកំពូល ក្នុងរដ្ឋធានីអ៊ីស្លាម៉ាបាដ កាលពីថ្ងៃអង្គារទី៩ខែឧសភា។
មុនការចាប់ខ្លួន លោកបានទៅបង្ហាញខ្លួននៅតុលាការពាក់ព័ន្ធការចោទប្រកាន់ពីបទពុករលួយ ប៉ុន្តែនិយាយថា នោះគឺជាការធ្វើទុក្ខបុកម្នេញផ្នែកនយោបាយ។
ក្រោយមក បាតុកម្មបានផ្ទុះឡើងទូទាំងប្រទេស ហើយមនុស្សម្នាក់ត្រូវបានសម្លាប់ក្នុងទីក្រុង Quetta។ មនុស្ស១០នាក់ រួមទាំងមន្ត្រីប៉ូលិស៦នាក់ ក៏ត្រូវរបួសផងដែរនៅក្នុងទីក្រុងនេះ។
ស្របពេលជាមួយគ្នានោះ សេវាអ៊ីនធឺណិតនៅក្នុងប្រទេស ត្រូវបានផ្អាកតាមការណែនាំរបស់ក្រសួងមហាផ្ទៃ ខណៈការតវ៉ាកាន់តែពុះកញ្ជ្រោលឡើង ជាពិសេសនៅមុខបន្ទាយទាហាន។
វីដេអូពីទីក្រុង Lahore បានបង្ហាញហ្វូងមនុស្ស លួចចូលទៅក្នុងផ្ទះរបស់មេបញ្ជាការកងទ័ព ដោយបំផ្លាញគ្រឿងសង្ហារិម និងរបស់របរនៅខាងក្នុងនោះ។
ថ្លែងទៅកាន់ BBC, អ្នកនាំពាក្យលោក Khan គឺលោកលោក Raoof Hasan បាននិយាយថា រឿងកាន់តែអាក្រក់នឹងកើតឡើង ហើយថា ការចាប់ខ្លួននេះនឹងធ្វើឲ្យប្រទេសធ្លាក់ចូលទៅក្នុងភាពវឹកវរ និងអនាធិបតេយ្យ។ លោកលើកឡើងថា “យើងកំពុងប្រឈមមុខនឹងវិបត្តិជាច្រើន។ មានវិបត្តិសេដ្ឋកិច្ច វិបត្តិនយោបាយ និងវិបត្តិជីវភាព ហេតុដូច្នេះហើយ ឱកាសនេះនឹងប្រែក្លាយវិបត្តិទាំងនេះ ឲ្យកាន់តែធ្ងន់ធ្ងរទៅៗ”។
គួរបញ្ជាក់ថា លោក Khan ត្រូវបានបណ្តេញចេញពីតំណែងជានាយករដ្ឋមន្ត្រី កាលពីខែមេសាឆ្នាំមុន ហើយបាននិងកំពុងធ្វើយុទ្ធនាការឃោសនា សម្រាប់ការបោះឆ្នោត ដែលនឹងត្រូវធ្វើឡើងនៅចុងឆ្នាំនេះ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ