ព័ត៌មានអន្ដរជាតិ
កូរ៉េខាងជើង ព្រមានជប៉ុន កុំឲ្យចូលរួមក្នុងក្រុមប្រឹក្សានុយក្លេអ៊ែរ កូរ៉េខាងត្បូង-អាមេរិក
ក្រសួងការបរទេសកូរ៉េខាងជើង បានព្រមានជប៉ុន កុំឲ្យចូលរួមក្នុងក្រុមប្រឹក្សានុយក្លេអ៊ែរ (NCG) ដែលទើបប្រកាសថ្មីរវាងកូរ៉េខាងត្បូង និងសហរដ្ឋអាមេរិក ហើយបាននិយាយថា ការធ្វើដូច្នេះ នឹងបណ្តាលឲ្យតំបន់អាស៊ីឦសានគ្មានស្ថិរភាព។
ចំពោះក្រុមប្រឹក្សាដែលប្រកាសក្នុងអំឡុងដំណើរទស្សនកិច្ចផ្លូវរដ្ឋរបស់ប្រធានាធិបតីកូរ៉េខាងត្បូងលោក យូន ស៊ុកយុល ទៅកាន់សហរដ្ឋអាមេរិកកាលពីខែមុន, ទីក្រុងវ៉ាស៊ីននឹងផ្តល់ឲ្យទីក្រុងសេអ៊ូលនូវព័ត៌មានបន្ថែមកាន់តែច្បាស់ នៅក្នុងផែនការនុយក្លេអ៊ែររបស់ខ្លួន ជុំវិញជម្លោះណាមួយជាមួយកូរ៉េខាងជើង។
លោក Kim Sol Hwa មកពីវិទ្យាស្ថានសិក្សាជប៉ុនរបស់ក្រសួងការបរទេសកូរ៉េខាងជើង បាននិយាយថា “ប្រសិនបើជប៉ុនបន្តបង្កើតសម្ព័ន្ធភាពយោធាត្រីភាគីដឹកនាំដោយសហរដ្ឋអាមេរិកមែន នោះនឹងធ្វើឲ្យតំបន់អាស៊ីឦសាន អស្ថិរភាព ហើយទីបំផុតវានឹងក្លាយទៅជាសមុទ្រភ្លើង”។
គួរបញ្ជាក់ថា ក្រុមពិគ្រោះយោបល់នុយក្លេអ៊ែរ ត្រូវបានប្រកាស អំឡុងដំណើររបស់លោក យូន ទៅកាន់សហរដ្ឋអាមេរិក។ លោក យូន និយាយថា សេចក្តីប្រកាសនេះនឹងធ្វើឲ្យ សម្ព័ន្ធភាពជាមួយសហរដ្ឋអាមេរិកកាន់តែប្រសើរឡើង ហើយថា ជប៉ុនក៏នឹងត្រូវដាក់បញ្ចូលក្នុង NCG ដែរ។
សេចក្តីប្រកាសនោះ ក៏រួមបញ្ចូលផងដែរនូវការសន្យាជាថ្មីដោយទីក្រុងសេអ៊ូលថា ខ្លួននឹងមិនបន្តការទម្លាក់គ្រាប់បែកនុយក្លេអ៊ែរទៀតឡើយ៕
ប្រែសម្រួល៖ Vann Vann
ប្រភព៖ Reuters
ចុចអាន៖ កូរ៉េខាងជើង បាញ់មីស៊ីល បង្កឲ្យមានការជម្លៀសមនុស្សលើកោះ ហុកកៃដូ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ