ទីម័រខាងកើតកំពុងបោះឆ្នោតថ្នាក់ជាតិ នៅថ្ងៃនេះ

ប្រទេសទីម័រខាងកើត បាននិងកំពុងបោះឆ្នោតថ្នាក់ជាតិ នៅថ្ងៃអាទិត្យ ទី២១ ខែឧសភា ដែលការបោះឆ្នោតនេះក្នុងគោលបំណងរកសំឡេងឆ្នោតជ្រើសរើសនាយករដ្ឋមន្ត្រីថ្មី។

ចំពោះលោក Jose Maria Vasconcelos ដែលធ្លាប់កាន់តំណែងជានាយករដ្ឋមន្ត្រី តាំងពីឆ្នាំ២០១៨ អ្នក​វិភាគ​មិន​រំពឹង​ថា​ លោក​ត្រូវ​បាន​តែងតាំង​ជា​នាយករដ្ឋមន្ត្រី​ម្ដង​ទៀតនោះ​ទេ។

ពេលនេះគណបក្សចំនួន ១៧ កំពុងប្រកួតប្រជែងក្នុងការបោះឆ្នោត ប៉ុន្តែមានតែគណបក្សចំនួនពីរប៉ុណ្ណោះដែលត្រូវបានគេរំពឹងថានឹងឈ្នះសន្លឹកឆ្នោតច្រើនជាងគេ នោះគឺគណបក្ស “CNRT” ដឹកនាំលោក Xanana Gusmao និងគណបក្ស “Fretilin” ដែលដឹកនាំដោយលោក Mari Alkatiri ។

ដោយសារគណបក្សទាំងពីរខាងលើអាចជាអ្នកឈ្នះឆ្នោត​ ដូច្នេះ​នាយករដ្ឋមន្ត្រីថ្មីត្រូវបានគេរំពឹងថា ជាលោក Gustmao ឬលោក Alkatiri អាស្រ័យលើគណបក្សដែលមានសំឡេងឆ្នោតច្រើនបំផុត។

ដោយឡែកសភា​ថ្មី​នឹង​ចូល​កាន់​តំណែង​នៅ​ថ្ងៃ​ទី ១២ ខែ​មិថុនា ឆ្នាំ២០២៣។

គួរបញ្ជាក់ថា ចាប់តាំងពីទីម័រខាងកើតទទួលបានឯករាជ្យពេញលេញពីឥណ្ឌូនេស៊ី កំលុងឆ្នាំ២០០២ មក នេះជាលើកទី៥ហើយ ដែលប្រទេសនេះបានរៀបចំការបោះឆ្នោតថ្នាក់ជាតិ៕

ប្រែសម្រួល៖ សន្យា

ប្រភព៖ Asiaone

ចុចអាន៖ រុស្ស៊ី កត់ឈ្មោះរដ្ឋអាជ្ញាតុលាការ ICC ចូលក្នុងបញ្ជីតាមចាប់ខ្លួន

ចុចអាន៖ ដំណើរការឈានទៅបង្កើតរដ្ឋាភិបាលចម្រុះ ថៃ កាន់តែពិបាក ក្រោយមាន​គណបក្សប្រកាសដកខ្លួន