ព័ត៌មានអន្ដរជាតិ
រុស្ស៊ី កត់ឈ្មោះរដ្ឋអាជ្ញាតុលាការ ICC ចូលក្នុងបញ្ជីតាមចាប់ខ្លួន
រដ្ឋាភិបាលរុស្ស៊ីបានកត់ឈ្មោះរដ្ឋអាជ្ញាតុលាការឧក្រិដ្ឋកម្មអន្តរជាតិ (ICC) លោក Karim Khan ចូលក្នុងបញ្ជីដែលត្រូវតាមខ្លួន ខណៈទង្វើនេះទំនងជាជាការសងសឹកចំពោះការសម្រេចចិត្តរបស់តុលាការដែលមានមូលដ្ឋាននៅទីក្រុងឡាអេ ក្នុងការចេញដីកាចាប់ខ្លួនប្រធានាធិបតីរុស្ស៊ីលោក វ្ល៉ាឌីមៀរ ពូទីន ពីបទឧក្រិដ្ឋកម្មសង្គ្រាម ។

ទីភ្នាក់ងារព័ត៌មានរុស្ស៊ី Interfax បានរាយការណ៍កាលពីថ្ងៃសុក្រថា លោក Karim Khan ត្រូវបានដាក់បញ្ចូលឈ្មោះទៅក្នុងមូលដ្ឋានទិន្នន័យរបស់ក្រសួងមហាផ្ទៃ ជាបុគ្គលដែលរដ្ឋាភិបាលរុស្ស៊ីតាមចាប់ខ្លួន រួមជាមួយនឹងអង្គចៅក្រមចំនួន ៣ រូបទៀតផងដែរ ។
ទន្ទឹមនោះ គណៈកម្មាធិការស៊ើបអង្កេតរបស់រុស្ស៊ីបានហៅការចេញដីកាចាប់ខ្លួនលើលោក ពូទីន របស់តុលាការ ICC ថាជាការសម្រេចចិត្តខុសច្បាប់ ហើយភាគីខាងរុស្ស៊ីក៏បានបើកសំណុំរឿងព្រហ្មទណ្ឌប្រឆាំងនឹងលោក Khan និងចៅក្រម ៣ រូបទៀតគឺលោកស្រី Akane Tomoko, លោក Rosario Salvatore Aitala និងលោក Sergio Gerardo Ugalde Godinez ។

ស្របពេលជាមួយគ្នានេះ តុលាការ ICC ក៏បានចេញសេចក្តីថ្លែងការណ៍មួយផងដែរកាលពីថ្ងៃសៅរ៍ ដោយហៅសកម្មភាពរបស់រុស្ស៊ីថាជា “វិធានការអយុត្តិធម៌ និងមិនសមហេតុផល” ហើយតុលាការនឹងរក្សាសិទ្ធិស្របច្បាប់របស់ខ្លួនដើម្បីធានានូវការទទួលខុសត្រូវចំពោះឧក្រិដ្ឋកម្មដ៏ធ្ងន់ធ្ងរដែលនាំឲ្យមានការព្រួយបារម្ភទៅដល់សហគមន៍អន្តរជាតិទាំងមូល” ។
គួរបញ្ជាក់ថា កាលពីខែមីនា តុលាការ ICC បានចេញដីកាចាប់ខ្លួនលោក ពូទីន និងមន្ត្រីរុស្ស៊ីម្នាក់ទៀត ដោយចោទប្រកាន់អ្នកទាំងពីរពីបទនិរទេសកុមារដោយខុសច្បាប់ពីតំបន់កាន់កាប់របស់អ៊ុយក្រែនទៅកាន់ប្រទេសរុស្ស៊ី ៕

ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អាមេរិក មិនគាំទ្រឲ្យ អ៊ុយក្រែន វាយប្រហារលើ រុស្ស៊ី ឡើយ
-
ព័ត៌មានជាតិ៦ ថ្ងៃ មុន
កូនប្រសារសម្ដេច ហេង សំរិន កំពុងកាន់តំណែងនៅរដ្ឋសភា រាជរដ្ឋាភិបាល និងជាអភិបាលខេត្ត
-
ព័ត៌មានអន្ដរជាតិ១ សប្តាហ៍ មុន
ទំនាយ៦យ៉ាងរបស់លោកយាយ Baba Vanga ក្នុងឆ្នាំ២០២៤ ខ្លាំងជាង ២០២៣
-
ព័ត៌មានជាតិ៥ ថ្ងៃ មុន
៣០ ឆ្នាំចុងក្រោយ ឥស្សរជនចំនួន១៤រូប ទទួលបានគោរមងារជា “សម្ដេច”
-
ព័ត៌មានអន្ដរជាតិ៦ ថ្ងៃ មុន
មេទ័ពអាមេរិក ថា សល់ពេល ៣០ ថ្ងៃទៀតប៉ុណ្ណោះ បើអ៊ុយក្រែន វាយរុស្ស៊ី មិនបែក នោះពិបាកហើយ
-
ព័ត៌មានជាតិ៥ ថ្ងៃ មុន
ថ្ងៃសៅរ៍នេះ ទូតបារាំង បើកឱកាសជាថ្មី ឱ្យសាធារណជនចូលទស្សនាឧទ្យានដ៏ស្រស់ស្អាតទំហំជិត៥ហិកតា
-
ព័ត៌មានជាតិ៤ ថ្ងៃ មុន
លោកឧកញ៉ា ចាន់ សុឃាំង បង្ហាញមូលហេតុបង្កឱ្យស្រូវប្រែប្រួលតម្លៃ
-
សន្តិសុខសង្គម២ ថ្ងៃ មុន
បងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
ព័ត៌មានជាតិ៤ ថ្ងៃ មុន
ទីបំផុត ស្រ្តីតែងខ្លួនជាប្រុសម្នាក់ត្រូវបានសមត្ថកិច្ចចាប់ខ្លួន ក្រោយតាមរំខានយុវតីម្នាក់រាប់ឆ្នាំ