ព័ត៌មានអន្ដរជាតិ

លោក ហ្សេលេនស្គី ចេញមុខបញ្ជាក់ ក្រោយរុស្ស៊ី អះអាងគ្រប់គ្រងទីក្រុង Bakhmut

បានផុស

១០ ខែ មុន

នៅ

ថ្ងៃចន្ទ ២២ ឧសភា ២០២៣

ដោយ

លោក វ្ល៉ាឌីមៀរ ហ្សេលេនស្គី បានគូសបញ្ជាក់ថា រុស្ស៊ី មិនបានកាន់កាប់ទីក្រុង Bakhmut ទេ បន្ទាប់ពីក្រុមទាហានស៊ីឈ្នួលគាំទ្រដោយទីក្រុងមូស្គូ បានអះអាងពីការគ្រប់គ្រងទីនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានាធិបតីអ៊ុយក្រែន បានលើកឡើងបែបនេះ ក្នុងអំឡុងដំណើរទស្សនកិច្ចទៅកាន់ទីក្រុងហ៊ីរ៉ូស៊ីម៉ា នៃប្រទេសជប៉ុន សម្រាប់កិច្ចប្រជុំកំពូល G7។

កាលពីថ្ងៃអាទិត្យទី២១ខែឧសភា ស្ថាបនិកក្រុមហ៊ុន Wagner លោក Yevgeny Prigozhin បានអះអាងពីជ័យជម្នះនៅ Bakhmut ប៉ុន្តែប្រភពយោធាអ៊ុយក្រែនបានប្រាប់ BBC ថា ពួកគេនៅតែគ្រប់គ្រងអគារមួយចំនួនតូច នៅជាយក្រុង។

ក្នុងសន្និសីទសារព័ត៌មាន នៅថ្ងៃចុងក្រោយនៃកិច្ចប្រជុំកំពូល G7 លោក ហ្សេលេនស្គី បានបដិសេធផ្តល់ព័ត៌មានលម្អិតច្បាស់ជាងនេះ ប៉ុន្តែលោកនិយាយថា ទីក្រុងនេះ មិនទាន់ត្រូវបានរុស្ស៊ីកាន់កាប់ឡើយ គិតត្រឹមថ្ងៃនេះ។

ស្របពេលជាមួយគ្នានោះ លោក ហ្សេលេនស្គី បានប្រៀបធៀបទីក្រុង Bakhmut ទៅទីក្រុងហ៊ីរ៉ូស៊ីម៉ា ដែលរងការវាយប្រហារដោយគ្រាប់បែកបរមាណូក្នុងសង្គ្រាមលោកលើកទីពីរ ហើយសន្យាថា នឹងមានការកសាងប្រទេសឡើងវិញស្រដៀងគ្នាដែរ។

គួរបញ្ជាក់ថា ទីក្រុង Bakhmut គឺជាកន្លែងនៃការប្រយុទ្ធដ៏យូរនិងបង្ហូរឈាមបំផុតក្នុងសង្រ្គាមរុស្ស៊ី-អ៊ុយក្រែន៕

ប្រែសម្រួល៖ Vann Vann

ប្រភព៖ BBC

ចុចអាន៖ អ៊ុយក្រែន អះអាងដណ្តើមបានទឹកដី ក្នុងទីក្រុង Bakhmut