ព័ត៌មានអន្ដរជាតិ
ប្រមុខណាតូ នឹងទៅ តួកគី ដើម្បីបញ្ចុះបញ្ចូលឲ្យផ្ដល់សច្ចាប័នលើ ស៊ុយអែត ចូលជាសមាជិក
អគ្គលេខាធិការអង្គការណាតូ លោក Jens Stoltenberg បាននិយាយកាលពីថ្ងៃព្រហស្បតិ៍ថា លោកនឹងធ្វើដំណើរទៅកាន់ប្រទេសតួកគីនាពេលខាងមុខ ដើម្បីពិភាក្សាអំពីគោលបំណង ក៏ដូចជាបញ្ចុះបញ្ចូលឲ្យផ្ដល់សច្ចាប័នលើស៊ុយអែតសម្រាប់សមាជិកភាពក្នុងសម្ព័ន្ធភាពនេះ ។

លោក Stoltenberg បាននិយាយ មុនពេលកិច្ចប្រជុំក្រៅផ្លូវការរបស់រដ្ឋមន្ត្រីការបរទេសអង្គការណាតូនៅទីក្រុង Oslo នៃប្រទេសន័រវេសថា “ខ្ញុំតែងតែគូសបញ្ជាក់ពីសារៈសំខាន់នៃវឌ្ឍនភាពលើការចូលជាសមាជិករបស់ស៊ុយអែត ហើយខ្ញុំក៏នឹងធ្វើដំណើរទៅកាន់ទីក្រុងអង់ការ៉ានាពេលខាងមុខនេះផងដែរ ដើម្បីបន្តដោះស្រាយពីរបៀបដែលយើងអាចធានាបាននូវការចូលជាសមាជិករបស់ស៊ុយអែតឲ្យបានលឿនបំផុត” ។
ប្រមុខអង្គការរូបនេះក៏បាននិយាយផងដែរថា លោកបានសន្ទនាជាមួយប្រធានាធិបតីតួកគីលោក Recep Tayyip Erdogan រួចហើយកាលពីដើមសប្តាហ៍នេះ ប៉ុន្តែមិនបានបញ្ជាក់ពីកាលបរិច្ឆេទច្បាស់លាស់នៃដំណើរទស្សនកិច្ចទៅកាន់ប្រទេសមួយនេះនៅឡើយទេ ។

លោក Stoltenberg បានបន្ថែមថា សមាជិកជាច្រើននៃសម្ព័ន្ធភាព នឹងបញ្ជាក់ឡើងវិញនូវការគាំទ្ររបស់ពួកគេសម្រាប់ការចូលជាសមាជិកអង្គការណាតូរបស់ស៊ុយអែតមុនគេ ក្នុងកិច្ចប្រជុំនៅពេលនោះ ។
គួរបញ្ជាក់ថា ប្រទេសស៊ុយអែត រួមជាមួយនឹងហ្វាំងឡង់ បានដាក់ពាក្យស្នើសុំចូលរួមជាសមាជិកអង្គការណាតូនៅក្នុងខែឧសភា ឆ្នាំ ២០២២ ប៉ុន្មានខែ បន្ទាប់ពីរុស្ស៊ីបើកប្រតិបត្តិការសឹកទៅលើប្រទេសអ៊ុយក្រែន ខណៈហ្វាំងឡង់បានក្លាយជាសមាជិកនៃសម្ព័ន្ធភាពមួយនេះនៅក្នុងខែមេសា ប៉ុន្តែពាក្យស្នើសុំរបស់សស៊ុយអែតវិញ គឺមិនទាន់សម្រេចនៅឡើយទេ ពោលនៅតែរង់ចាំការយល់ព្រមពីប្រទេសហុងគ្រី និងតួកគីសិន ៕

ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ អាមេរិក ថា ដល់ពេលវេលាសម្រាប់ឲ្យ ស៊ុយអែត ចូលជាសមាជិក ណាតូ ហើយ

-
ព័ត៌មានអន្ដរជាតិ១៤ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?