ព័ត៌មានអន្ដរជាតិ
អ្នកក្រុងហាណូយ សម្រុកចូលផ្សារទំនើប ព្រោះខាងក្រៅក្តៅខ្លាំងពេក អគ្គិសនីក៏គ្មាន
អ្នកក្រុងហាណូយ បាននាំគ្នាចូលទៅក្នុងផ្សារទំនើប និងហាងលក់ទំនិញដែលមានម៉ាស៊ីនត្រជាក់ ដើម្បីគេចពីកម្តៅថ្ងៃ ដោយសារតែមានកង្វះខាតថាមពលអគ្គិសនី។
យោងតាមអ្នកនាំពាក្យផ្សារទំនើបមួយ បានឲ្យដឹងថា ប្រជាជនកាន់តែច្រើន បានសម្រុកចូលផ្សារទំនើប បន្ទាប់ពីមានការដាច់ភ្លើងនៅក្នុងសង្កាត់នានានៃខ័ណ្ឌ Long Bien ហើយផ្សារទំនើប ក៏បានរៀបចំបន្ទប់ដាច់ដោយឡែកសម្រាប់ពួកគេសម្រាក និងទទួលទានអាហារផងដែរ។
តំបន់ភាគខាងជើងប្រទេសវៀតណាម បានជួបប្រទះនឹងកម្តៅខ្លាំងកាលពីសប្តាហ៍មុនដោយសារតែប្រព័ន្ធសម្ពាធត្រូពិក និងខ្យល់ Foehn។
សីតុណ្ហភាពបានឡើងដល់ចំណុចកំពូលកាលពីថ្ងៃពុធ និងថ្ងៃព្រហស្បតិ៍។ ស្ថានីយអាកាសធាតុ Muong La ក្នុងខេត្ត Son La ភាគខាងជើង បានរាយការណ៍ថា សីតុណ្ហភាពអតិបរមា ៤៣.៤ អង្សាសេនៅថ្ងៃពុធ គឺជាសីតុណ្ហភាពខែឧសភាខ្ពស់បំផុត ក្នុងប្រវត្តិសាស្ត្រ។
ព្រោះតែកម្តៅដ៏ក្តៅបែបនេះហើយ ទើបធ្វើឲ្យតម្រូវការថាមពលហក់ឡើងខ្ពស់ ហើយអាជ្ញាធរកំពុងរិះរកវិធី ដើម្បីធានាសុវត្ថិភាពបណ្តាញអគ្គិសនី។ យោងតាមសាជីវកម្មថាមពលទីក្រុងហាណូយ, ការប្រើប្រាស់ក្នុងខែឧសភាមាន ៧៥.៤លានគីឡូវ៉ាត់ម៉ោង ពោលគឺច្រើនជាងខែមេសារហូតដល់ទៅ ២២.៥ ភាគរយឯណោះ។
បន្ទាប់ពីមានសេចក្តីប្រកាស អំពីការកាត់ផ្ដាច់ចរន្តអគ្គិសនីនៅក្នុងសង្កាត់ Long Bien ចន្លោះម៉ោង៨ព្រឹក ដល់ពាក់កណ្តាលអធ្រាត្រថ្ងៃសៅរ៍ ប្រជាពលរដ្ឋនៅទីនោះនិយាយថា ពួកគេគ្មានជម្រើសអ្វីក្រៅពីទៅផ្សារទំនើបទេ។
គួរបញ្ជាក់ជាថ្មី រដ្ឋធានីហាណូយរបស់ប្រទេសវៀតណាម ក៏បានបិទភ្លើងបំភ្លឺតាមដងផ្លូវមួយចំនួនផងដែរ ដើម្បីសន្សំសំចៃអគ្គិសនី ខណៈតម្រូវការម៉ាស៊ីនត្រជាក់ ហក់ឡើងខ្ពស់។
ឧទ្យានក្នុងទីក្រុងដែលមានប្រជាពលរដ្ឋ៨លាននាក់មួយនេះ បច្ចុប្បន្ន បានប្រែងងឹតទាំងស្រុងបន្ទាប់ពីម៉ោង១១យប់ ខណៈភ្លើងតាមដងផ្លូវពីរភាគបី ត្រូវបិទ នៅម៉ោងដូចគ្នានេះ ហើយភ្លើងនៅតាមទីសាធារណៈ ត្រូវបើកយឺតជាងធម្មតាកន្លះម៉ោង និងបិទវិញឆាប់ជាងធម្មតាកន្លះម៉ោងផងដែរ៕
ប្រែសម្រួល៖ Vann Vann
ប្រភព៖ VN Express
ចុចអាន៖ ទីក្រុងហាណូយ កាត់បន្ថយការបើកភ្លើងបំភ្លឺតាមទីសាធារណៈ ដើម្បីសន្សំសំចៃអគ្គិសនី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ