ព័ត៌មានអន្ដរជាតិ

ជាបុព្វេសន្និវាស បុរសម្នាក់ចូលរួមមង្គលការភរិយា ក្រោយ៧ឆ្នាំក្លាយជាកូនកំលោះនាងវិញម្ដង

បានផុស

៣ ខែ មុន

នៅ

ថ្ងៃសុក្រ ៩ មិថុនា ២០២៣

ដោយ

គ្មានអ្នកណាអាចមើលឃើញអនាគត ក៏មិនអាចទាយទុកមុនថាយើងនឹងជួបនរណាទេ។ រៀបការហើយ មិនប្រាកដថានឹងនៅជាមួយគ្នាអស់មួយជីវិត ប៉ុន្តែទំនាក់ទំនងខ្លះ អាចត្រូវបានកំណត់ទុកជាមុនដោយជោគវាសនា។ ទោះជាជួបគ្នាលើកដំបូងក៏មិនចាប់អារម្មណ៍គ្នាដែរ។ ប៉ុន្តែនៅទីបំផុត ពួកគេបានជួបគ្នាដោយចៃដន្យនៅកន្លែងតែមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្មីៗនេះមានរឿងរ៉ាវបុរសនិងស្ត្រីមួយគូធ្លាប់ថតរូបជាមួយគ្នា ខណៈម្នាក់ជាកូនក្រមុំ និងម្នាក់ទៀតជាភ្ញៀវក្នុងពិធីមង្គលការ គូស្នេហ៍មួយគូនេះមិននឹកស្មានដល់ថា ៧ ឆ្នាំក្រោយមកពួកគេនឹងវិលមកជួបជុំគ្នាក្នុងពិធីមង្គលការម្ដងទៀតដោយផ្លាស់ប្តូរមកជាមង្គលការរបស់ខ្លួនឯងម្ដង។

រឿងនេះត្រូវបានលាតត្រដាងដោយកូនក្រមុំដែលទើបតែចែករំលែកដំណើរស្នេហាដ៏គួរឲ្យភ្ញាក់ផ្អើលរបស់នាងថា”ឆ្នាំ ២០១៦ អ្នកបានទៅមង្គលការរបស់ខ្ញុំដើម្បីផឹកស្រា។ នៅឆ្នាំ ២០២៣ អ្នកនិងខ្ញុំបានផឹកស្រាដើម្បីអបអរសាទរអាពាហ៍ពិពាហ៍យើងម្ដង”។

តាមពិតកាលពីឆ្នាំ ២០១៦ នាងធ្លាប់រៀបចំពិធីមង្គលការម្តងរួចមកហើយ និងបានថតរូបជាមួយភ្ញៀវ និងមិត្តភ័ក្ដិជាច្រើន រហូតជោគវាសនាដល់វេនដែលនឹកស្មានមិនដល់។ នៅពេលដែលភ្ញៀវប្រុសនៅក្នុងរូបភាពដែលបានចែករំលែកនៅឆ្នាំនោះ ក្លាយជាកូនកំលោះដែលឈរក្បែរនាងក្នុងឆ្នាំនេះទៅវិញ។

យ៉ាងណាមិញ ក្រោយរឿងនេះត្រូវបានគេផ្សព្វផ្សាយលើពិភពប្រព័ន្ធផ្សព្វផ្សាយសង្គម វាទទួលបានការចាប់អារម្មណ៍យ៉ាងឆាប់រហ័សពីមហាជន។ មនុស្សជាច្រើនយល់ស្របនឹងសេចក្ដីថ្លែងការណ៍ដែលថាជីវិតគឺមិនប្រាកដប្រជា ហើយសង្ឃឹមថាកូនក្រមុំនឹងសប្បាយចិត្តជាមួយនឹងអាពាហ៍ពិពាហ៍នេះ៕