ព័ត៌មានអន្ដរជាតិ

ផ្អើលភ្ញៀវនៅ ឥណ្ឌា ខណៈកូនក្រមុំនិងកូនកំលោះប្រតាយប្រតប់គ្នាក្នុងពិធីមង្គលការ

បានផុស

២ years មុន

នៅ

ថ្ងៃព្រហស្បតិ៍ ៨ មិថុនា ២០២៣

ដោយ

កូនកំលោះកូនក្រមុំនៅប្រទេសឥណ្ឌា បានបង្កការភ្ញាក់ផ្អើលដល់ភ្ញៀវក្នុងពិធីមង្គលការរបស់ខ្លួន ដោយគូស្វាមីភរិយាថ្មីថ្មោងនេះ បើកឆាកសង្វៀនប្រកួតគ្នាលែងខ្វល់ពីថ្ងៃមង្គល ព្រោះតែមានកំហឹងរៀងៗខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍វីដេអូឃ្លិបនៃឧប្បត្តិហេតុមួយត្រូវបានបង្ហោះដោយអ្នកប្រើប្រាស់ Twitter ម្នាក់ ឈ្មោះ gharkekalesh បង្ហាញពីពេលដែលគូស្នេហ៍កំពុងឈរនៅលើឆាក។ ដល់ពេលជូនបង្អែមដល់គ្នាទៅវិញទៅមក កូនកំលោះបុកនំមួយដុំចូលមាត់កូនក្រមុំខ្លាំង ធ្វើឲ្យនាងមិនស្រួលខ្លួន រហូតតបវិញដោយរុញដៃភាគីខាងប្រុសចេញហើយទះមុខមួយកំផ្លៀង។

យ៉ាងណាមិញ កូនក្រមុំគិតថាកូនកំលោះនឹងអត់ធ្មត់ដើម្បីបន្តពិធីមង្គលការ ប៉ុន្តែនឹកស្មានមិនដល់ថា គាត់បែរវាយនាងតបតវិញដោយមិនខ្លាចក្រសែភ្នែកភ្ញៀវនៅក្នុងកម្មវិធីមង្គលរបស់ខ្លួន។ ជាលទ្ធផល អ្នកទាំងពីរស្ទុះទៅទះកំផ្លៀងគ្នាយ៉ាងចាស់ដៃលើឆាក។ សាច់ញាតិបានព្យាយាមបញ្ឈប់សង្គ្រាមដោយធ្វើអន្តរាគមន៍ និងចាប់ពួកគេមកវិញ។ ប៉ុន្តែកូនកំលោះកូនក្រមុំបានបន្តទាញសក់និងវាយតប់គ្នាលែងខ្វល់អ្វីទាំងអស់។

ឃើញទិដ្ឋភាពដ៏រន្ធត់របស់គូស្នេហ៍ថ្មីថ្មោង ភ្ញៀវមិនដឹងប្រតិកម្មយ៉ាងណា បានត្រឹមឈរនិយាយមិនចេញ។ ទោះយ៉ាងណាក៏ដោយ អ្នកនិយមលេងអ៊ីនធឺណិតដែលបានទស្សនាវីដេអូឃ្លិបមានការងឿងឆ្ងល់ចំពោះស្ថានការណ៍ហិង្សាមិនទំនងកើតឡើងក្នុងពិធីមង្គលការ។ លើសពីនេះ ក៏មានមតិជាច្រើន មានការព្រួយបារម្មណ៍ថា កូនក្រមុំនិងកូនកំលោះនឹងដោះស្រាយបែបណាបន្ត បើសិននៅជាមួយគ្នាទៀត៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖ដើរថតតាមផ្លូវចៃដន្យ តែឃ្លិបត្រូវក្លាយជាភស្តុតាងដ៏សំខាន់មួយទៅវិញ