អ្នកជំងឺទី៦ លើលោក ជាដាច់ ពីមេរោគអេដស៍

មនុស្សទី៦ បានជាដាច់ពីជំងឺអេដស៍ ហើយរឿងនេះ ត្រូវបានគេសាទរថា ជាជោគជ័យដ៏ធំមួយទៀត ក្នុងការប្រយុទ្ធប្រឆាំងនឹងមេរោគនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្ន បុរសជនជាតិស្វីសវ័យ៥០ឆ្នាំប្លាយ ឬគេហៅថា “អ្នកជំងឺហ្សឺណែវ” លែងមានមេរោគអេដស៍ក្នុងខ្លួនទៀតហើយ ចាប់តាំងពីទទួលការព្យាបាលដោយប្រថុយប្រថានក្នុងឆ្នាំ២០១៨។

អ្នកជំងឺទាំងអស់ គឺសុទ្ធសឹងតែទទួលការព្យាបាលដោយប្តូរកោសិកាខួរឆ្អឹង បន្ទាប់មកត្រូវព្យាបាលដោយលេបថ្នាំប្រឆាំងមេរោគអេដស៍ជាប់លាប់ (ART) ដែលជាស្តង់ដារ កាត់បន្ថយមេរោគអេដស៍ និងបញ្ឈប់ការចម្លងរបស់វា។

គួរបញ្ជាក់ថា អ្នកជំងឺ៥នាក់ទៀត ដែលត្រូវព្យាបាលជាសះស្បើយពីជំងឺអេដស៍រួមមានអ្នកជំងឺនៅទីក្រុង California, New York, Berlin, London និង Dusseldorf។

ថ្វីបើមិនមានការព្យាបាលជាទូទៅសម្រាប់មេរោគអេដស៍ក៏ដោយ ប៉ុន្តែបច្ចុប្បន្ន មានថ្នាំត្រឹមតែ ៨ ប្រភេទប៉ុណ្ណោះដែលត្រូវបានអនុម័តដោយរដ្ឋបាលចំណីអាហារនិងឱសថ សម្រាប់ប្រើប្រាស់ក្នុងការព្យាបាលលក្ខណៈ ART។

យោងតាមអង្គការសុខភាពពិភពលោក មនុស្សប្រមាណ៣៩លាននាក់ បានរស់នៅជាមួយមេរោគអេដស៍ ត្រឹមចុងឆ្នាំ២០២២ ហើយមនុស្ស៦៣០០០០នាក់ បានស្លាប់ដោយសារជំងឺនេះ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ មនុស្សម្នាក់ទៀត ព្យាបាលជំងឺអេដស៍ ជាសះស្បើយទាំងស្រុង