ព័ត៌មានអន្ដរជាតិ
ភឿថៃ ប្រមូលបានដៃគូចំនួន៩ បង្កើតរដ្ឋាភិបាលថ្មី ដោយគ្មានបក្សឈ្នះឆ្នោត
យោងតាមការចុះផ្សាយរបស់កាសែតបាងកកប៉ុស្តិ៍បានឲ្យដឹងថា គណបក្សភឿថៃ កំពុងរៀចំបង្កើតរដ្ឋាភិបាលដែលមាន ៣០២ អាសនៈ ដោយមិនមានគណបក្សចលនាឆ្ពោះទៅមុខ ហើយនឹងតែងតាំងឧកញ៉ាអចលនទ្រព្យឈ្មោះ Srettha Thavisin ជាបេក្ខជនឈរឈ្មោះនាយករដ្ឋមន្ត្រី ក្នុងការបោះឆ្នោតជុំបន្ទាប់ដែលគ្រោងធ្វើនៅថ្ងៃសុក្រទី៤ខែសីហានេះ។
ប្រភពខាងលើបានឲ្យដឹងថា សម្ព័ន្ធភាពដឹកនាំដោយគណបក្សភឿថៃ មានគណបក្សចំនួន១០ ដែលរួមមានដៃគូថ្មីចំនួន ៥ គឺ គណបក្សភូមិចៃថៃ, គណបក្ស Palang Pracharath, គណបក្សប្រជាធិបតេយ្យ, គណបក្ស Chartthaipattana និងគណបក្ស Chartpattanakla។ រីឯគណបក្ស ៤ ផ្សេងទៀតគឺ Prachachat, Pheu Thai Ruam Palang, Seri Ruam Thai និង Plung Sungkom Mai។
ទាក់ទិននឹងការជាប់គាំងផ្នែកនយោបាយនេះ, អ្នកជំនាញថៃបានព្រមានថា ប្រទេសនេះ អាចប្រឈមនឹងវិបត្តិសេដ្ឋកិច្ច ប្រសិនបើពន្យារពេលដំណើរការបង្កើតរដ្ឋាភិបាលថ្មីរហូតដល់ខែឧសភាឆ្នាំក្រោយ។
សាស្ត្រាចារ្យ Thanavath Phonvichai ប្រធានសាកលវិទ្យាល័យសភាពាណិជ្ជកម្មថៃ (UTCC) បាននិយាយថា ពេលវេលាដែលត្រូវចំណាយលើការបង្កើតរដ្ឋាភិបាលថ្មី កំពុងប៉ះពាល់ដល់សេដ្ឋកិច្ច ជាពិសេសសម្រាប់ឆ្នាំក្រោយ។ ប្រសិនបើរដ្ឋាភិបាលថ្មីត្រូវបានបង្កើតឡើងក្នុងខែសីហា ប្រទេសនេះគួរតែមានគណៈរដ្ឋមន្ត្រីថ្មី និងចេញគោលនយោបាយឲ្យបានត្រឹមខែកញ្ញា។
ទន្ទឹមនោះ ការរង់ចាំរយៈពេល១០ខែទៀត ដើម្បីបង្កើតរដ្ឋាភិបាលថ្មី នឹងប៉ះពាល់ដល់សេដ្ឋកិច្ចយ៉ាងធ្ងន់ធ្ងរ ជាពិសេសទំនុកចិត្តរបស់ប្រជាជនលើស្ថានភាពសេដ្ឋកិច្ចនឹងត្រូវបាត់បង់ ហើយនៅពេលដែលវិនិយោគិនមិនដឹងថាគោលនយោបាយរបស់ប្រទេសនឹងទៅជាយ៉ាងណាក្នុងរយៈពេលដ៏យូរនោះ អ្វីៗទាំងអស់ត្រូវផ្អាក ហើយសេដ្ឋកិច្ចធ្លាក់ចុះកាន់តែខ្លាំង៕
ប្រែសម្រួល៖ Vann Vann
ប្រភព៖ Bangkok Post, Thai PBS
ចុចអាន៖ ព្រះមហាក្សត្រ ថៃ មានព្រះបន្ទូលទៅកាន់ប្រជារាស្ត្រ ពាក់ព័ន្ធស្ថានភាពនយោបាយក្នុងប្រទេស
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ