លោក ត្រាំ មិនទទួលស្គាល់ទោសកំហុស ហើយថា បទចោទប្រកាន់ គឺជាការធ្វើទុក្ខបុកម្នេញ ពីគូប្រជែងនយោបាយ

លោក ដូណាល់ ត្រាំ បានអះអាងថា រដ្ឋអាជ្ញាអាមេរិកដែលជាប់ពាក់ព័ន្ធនឹងរឿងនយោបាយ បានចាប់ផ្តើមសំណុំរឿងមួយទៀតប្រឆាំងនឹងរូបគាត់ ដោយសារប្រធានាធិបតី ចូ បៃដិន មិនអាចយកឈ្នះគាត់ នៅក្នុងការបោះឆ្នោតឆ្នាំ២០២៤បាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ត្រាំ មិនសារភាពទោសកំហុសឡើយ ចំពោះការចោទប្រកាន់ពីបទឧក្រិដ្ឋចំនួនបួនករណី ដែលកើតចេញពីកិច្ចខិតខំប្រឹងប្រែងរបស់គាត់ ដើម្បីបដិសេធជ័យជម្នះការបោះឆ្នោតឆ្នាំ២០២០របស់លោក បៃដិន។

ក្រោយមក លោក ត្រាំ បានប្រាប់អ្នកយកព័ត៌មានថា “នេះគឺជាថ្ងៃដ៏សោកសៅបំផុតសម្រាប់សហរដ្ឋអាមេរិក។ វាគឺជាការធ្វើទុក្ខបុកម្នេញ ពីគូប្រជែងនយោបាយ”។

សូមបញ្ជាក់ លោក ត្រាំ បានប្រឈមមុខនឹងការចោទប្រកាន់របស់សហព័ន្ធរួចទៅហើយ ទាក់ទិននឹងការចោទប្រកាន់ថា គាត់បានកាន់កាប់ឯកសារសម្ងាត់ ក៏ដូចជាករណីនៅទីក្រុងញូវយ៉ក ពាក់ព័ន្ធការធ្វើសេចក្តីថ្លែងការណ៍មិនពិត លើកំណត់ត្រាអាជីវកម្មផងដែរ ជាពិសេសលោកគឺ​ជា​ប្រធានាធិបតី​សហរដ្ឋ​អាមេរិក​ដំបូង​គេ ​ដែល​ត្រូវ​បាន​ចោទ​ប្រកាន់​ពី​បទ​ព្រហ្មទណ្ឌ​ក្រោយពេលចុះចេញ​ពី​តំណែង៕

ប្រែសម្រួល៖ Vann Vann

ប្រភព៖ RT, CNA

ចុចអាន៖ ដូណាល់ ត្រាំ ថា លោកអាចជាប់ពន្ធនាគារ ៥៦១ឆ្នាំ