ព័ត៌មានអន្ដរជាតិ
អាមេរិក ជំរុញឲ្យពលរដ្ឋខ្លួន ចាកចេញពីប្រទេសបេឡារុស ជាបន្ទាន់
ដោយលើកឡើងពីការបិទច្រកព្រំដែនថ្មីដោយប្រទេសលីទុយអានី និងលទ្ធភាពនៃការបិទច្រកព្រំដែនបន្ថែមទៀត ក្រសួងការបរទេសអាមេរិក បានចេញសេចក្តីប្រកាសព័ត៌មានកាលពីថ្ងៃចន្ទទី២១ខែសីហា ដោយជំរុញឲ្យពលរដ្ឋអាមេរិកនៅបេឡារុស ត្រូវតែចាកចេញពីប្រទេសនេះជាបន្ទាន់។
ក្រសួងប្រកាសថា “កាលពីថ្ងៃទី៨ ខែសីហា រដ្ឋាភិបាលលីទុយអានី បានបិទច្រកព្រំដែនចំនួនពីរជាមួយបេឡារុសដូចជា នៅច្រក Tverecius-Vidzy និងច្រក Sumskas-Losha ។ លើសពីនេះ រដ្ឋាភិបាលប៉ូឡូញ លីទុយអានី និងឡាតវី បានឲ្យដឹងថា ការបិទច្រកព្រំដែនបន្ថែមទៀតជាមួយបេឡារុស ក៏នឹងអាចធ្វើឡើងផងដែរ។ ដូចនេះ ពលរដ្ឋអាមេរិកនៅបេឡារុស គួរតែចាកចេញជាបន្ទាន់។
តាមសេចក្តីប្រកាសព័ត៌មាន ជនជាតិអាមេរិកត្រូវបានជំរុញឲ្យធ្វើដំណើរតាមផ្លូវគោក ដោយប្រើច្រកព្រំដែននៅសល់ជាមួយប្រទេសលីទុយអានី និងឡាតវី ពីព្រោះប៉ូឡូញបានបិទព្រំដែនទៅហើយ ខណៈព្រំដែនអ៊ុយក្រែន-បេឡារុស ក៏ត្រូវបានបិទដូចគ្នា ។
ទន្ទឹមនោះ ក្រុមហ៊ុនអាកាសចរណ៍លោកខាងលិចភាគច្រើន បានផ្អាកជើងហោះហើរទៅកាន់ទីក្រុង Minsk ព្រមទាំងបិទដែនអាកាសរបស់ពួកគេចំពោះជើងហោះហើររបស់បេឡារុស និងរុស្ស៊ី។
ទីក្រុងវ៉ាស៊ីនតោន បានជំរុញពលរដ្ឋរបស់ខ្លួនកុំឲ្យធ្វើដំណើរទៅកាន់ប្រទេសបេឡារុស អស់រយៈពេលជាច្រើនឆ្នាំមកហើយ ដោយដំបូងគឺព្រោះតែជំងឺរាតត្បាតកូវីដ១៩, បន្ទាប់មកគឺភាពចលាចលឆ្នាំ២០២០ ក្រោយការបោះឆ្នោតប្រធានាធិបតី និងចុងក្រោយគឺចាប់តាំងពីទីក្រុង Minsk បង្ហាញការគាំទ្រដល់ប្រតិបត្តិការយោធារបស់ទីក្រុងមូស្គូ ប្រឆាំងទីក្រុងកៀវ ដែលចាប់ផ្តើមក្នុងខែកុម្ភៈឆ្នាំ២០២២។
យោងតាមក្រសួងការបរទេស ប្រទេសបេឡារុសក៏មានគ្រោះថ្នាក់ផងដែរ ដោយសារតែការអនុវត្តច្បាប់ក្នុងស្រុក សក្តានុពលនៃភាពចលាចលស៊ីវិល និងហានិភ័យនៃការចាប់ឃុំខ្លួន៕
ប្រែសម្រួល៖ Vann Vann
ប្រភព៖ RT
ចុចអាន៖ អាមេរិក ជំរុញឲ្យពលរដ្ឋខ្លួន ចាកចេញពីប្រទេសបេឡារុស ជាបន្ទាន់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង