ព័ត៌មានអន្ដរជាតិ

ព្រះចន្ទពេញវង់ពណ៌ខៀវ នឹងបង្ហាញខ្លួននៅអាស៊ីល្ងាចស្អែក បើខកខានឆ្នាំ ២០៣៧ ទើបបានឃើញម្ដងទៀត

បានផុស

៧ ខែ មុន

នៅ

ថ្ងៃពុធ ៣០ សីហា ២០២៣

ដោយ

ព្រះចន្ទពេញវង់ពណ៌ខៀវ ឬ Blue Supermoon ដ៏កម្រ ហើយជិតផែនដីបំផុត នឹងបង្ហាញខ្លួននៅតំបន់អាស៊ីល្ងាចស្អែកតទៅ ខណៈមនុស្សអាចមើលឃើញដោយភ្នែកទទេ ចាប់ពីល្ងាចថ្ងៃទី៣១ ខែសីហា រហូតដល់ព្រឹកថ្ងៃទី១ ខែកញ្ញា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះចន្ទពេញវង់ដែលនៅជិតផែនដីបំផុតក្នុងឆ្នាំនេះ វាមានចម្ងាយប្រហែល ៣៥៧,៣៣៤ គីឡូម៉ែត្រពីផែនដី ហើយយប់នោះក៏ជាព្រះចន្ទពេញវង់ទីពីរនៃខែ ឬ Blue Moon ផងដែរ ។ នៅយប់បែបនេះ ព្រះចន្ទពេញវង់ហាក់ដូចជាធំជាងធម្មតា ។ បើប្រៀបធៀបទៅនឹងព្រះចន្ទពេញវង់ធម្មតា មានទំហំធំជាងប្រហែល ៧ ភាគរយ និងពន្លឺប្រហែល ១៥ ភាគរយ ។

ចំណែកឯពេលវេលាដែលកម្ពុជាយើងអាចមើលឃើញបាតុភូតព្រះចន្ទនេះ គឺចាប់ពីម៉ោង ៦ និង ៣៤ នាទីល្ងាចថ្ងៃទី៣១ ខែសីហា រហូតដល់ព្រលឹមថ្ងៃទី១ ខែកញ្ញា ហើយអាចមើលបានដោយភ្នែកទទេបាននៅទិសខាងកើត ហើយភពសៅរ៍ក៏លេចភ្លឺអមជាមួយព្រះចន្ទពណ៌ខៀវដែរ ។

បើយោងតាមទីភ្នាក់ងារអវកាសអាមេរិក NASA បញ្ជាក់ថា Supermoon កើតឡើងនៅពេលដែលព្រះចន្ទមូលពេញហើយកៀកនឹងចំណុចជិតបំផុតរបស់វាជាមួយផែនដី ។ ប៉ុន្តែវាកើតឡើង ៣ ទៅ ៤ ដងប៉ុណ្ណោះក្នុងមួយឆ្នាំ ប្រសិនបើក្នុងរយៈពេល ១ ខែមានព្រះចន្ទពេញវង់ចំនួន ២ កើតឡើង ហើយទីពីរនោះត្រូវបានគេហៅថាព្រះចន្ទពណ៌ខៀវ ។

យ៉ាងណាមិញ ព្រះចន្ទពណ៌ខៀវក្នុងសប្ដាហ៍នេះ នឹងក្លាយជាទស្សនីយភាពដ៏កម្រមិនគួរឲ្យជឿ។ យោងតាមតារាវិទូជនជាតិអ៊ីតាលីលោក Gianluca Masi ដែលជាស្ថាបនិកនៃគម្រោងតេឡេស្កុបនិយាយថា បើសិនយើងខកខាន មិនបានទស្សនានៅយប់នេះទេ ទាល់តែឆ្នាំ ២០៣៧ ទើបវាបង្ហាញខ្លួនម្ដងទៀត នោះមានន័យថា ១៤ ឆ្នាំក្រោយទើបមាន Supermoon កើតឡើង ៕