Connect with us

ព័ត៌មានអន្ដរជាតិ

ណាសា រកឃើញភពថ្មី អាចរស់នៅបាន ស្ថិតមិនឆ្ងាយប៉ុន្មាន ពីផែនដី

បានផុស

នៅ

នាពេលថ្មីៗនេះ អង្គការណាសា បានរកឃើញភពថ្មី Exoplanet ដែលមានរយៈចម្ងាយត្រឹមតែ១៣៧ឆ្នាំពន្លឺប៉ុណ្ណោះពីផែនដី ហើយជាភពអាចអំណោយទានដល់ភាវៈមានជីវិត។

(រូបថត៖ Inkl)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមតារាវិទូនិយាយថា ភពនេះត្រូវបានគេដាក់ឈ្មោះថា TOI-715 b មានទំហំធំជាងផែនដី១.៥ដង ហើយគោចរជុំវិញផ្កាយតូចមួយដែលមានពណ៌ក្រហម។

អង្គការ ណាសា បាននិយាយក្នុងសេចក្តីប្រកាសព័ត៌មានកាលពីខែមុនថា ប្រព័ន្ធដូចគ្នានេះ ក៏អាចផ្ទុកភពផែនដីទីពីរផងដែរ ហើយប្រសិនបើរឿងនេះត្រូវបានបញ្ជាក់ច្បាស់មែននោះ វានឹងក្លាយជាភពអាចរស់នៅបានមានទំហំតូចបំផុត ដែលត្រូវបានរកឃើញដោយផ្កាយរណប The Transiting Exoplanet Survey Satellite (TESS)។

ផ្កាយរណប The Transiting Exoplanet Survey Satellite (រូបថត៖ ណាសា)

យោងតាមទីភ្នាក់ងារនេះ, ដោយសារតែភពថ្មី មានចម្ងាយឆ្ងាយពីផ្កាយមេរបស់វា, វាអាចស្ថិតនៅក្នុងតំបន់ដែលអាចរស់នៅបាន និងរក្សាសីតុណ្ហភាពសមរម្យ បង្កើតបានជាទឹកនៅលើផ្ទៃរបស់វា ដែលជាកត្តាចាំបាច់សម្រាប់ទ្រទ្រង់ជីវិត។

ណាសា និយាយថា ដោយសារចម្ងាយជិត ដែល TOI-715 b វិលជុំវិញពីផ្កាយមេរបស់វា នោះមានន័យថា មួយឆ្នាំសម្រាប់ភពនេះ ស្មើនឹង១៩ថ្ងៃនៃផែនដីរបស់យើង។

ចាប់តាំងពីការបាញ់បង្ហោះក្នុងឆ្នាំ២០១៨មក ផ្កាយរណប TESS បានធ្វើយុទ្ធនាការស្វែងរកភពដែលអាចរស់នៅបានដូចជា TOI-715 b ហើយត្រូវបានពិនិត្យយ៉ាងដិតដល់ដោយកែវយឺតអវកាស James Webb របស់អង្គការណាសា។

(រូបថត៖ AP)

តេឡេស្កុប Webb ត្រូវបានរចនាឡើងមិនត្រឹមតែអាចរកឃើញភពខាងក្រៅប៉ុណ្ណោះទេ ប៉ុន្តែក៏រុករកសមាសភាពនៃបរិយាកាស ដែលអាចផ្តល់តម្រុយដល់វត្តមានរបស់ភាវៈមានជីវិតផងដែរ។

សូមបញ្ជាក់ថា ការស្រាវជ្រាវនិងរកឃើញភពផែនដីដ៏អស្ចារ្យនេះ ត្រូវបានដឹកនាំដោយអ្នកវិទ្យាសាស្រ្ត Georgina Dransfield នៅសាកលវិទ្យាល័យ Birmingham ក្នុងចក្រភពអង់គ្លេស។

ណាសា និយាយថា ការរកឃើញនេះ ពិតជាបង្ហាញពីផលវិជ្ជមានក្នុងបេសកកម្មរបស់តារាវិទូ ដើម្បីយល់ពីលក្ខខណ្ឌបរិយាកាសដើម្បីទ្រទ្រង់ជីវិត និងស្វែងយល់បន្ថែមអំពីលក្ខណៈនៃភពក្រៅប្រព័ន្ធព្រះអាទិត្យរបស់យើង៕

អត្ថបទ៖ សុខ សុវណ្ណ

ចុចអាន៖ ណាសា ជោគជ័យបាញ់បង្ហោះយានអវកាស ទៅកាន់អាចម៍ផ្កាយ ដែលមានតម្លៃ សមល្មមឲ្យមនុស្សមួយផែនដី ក្លាយជាមហាសេដ្ឋី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៦ ថ្ងៃ មុន

ចាប់បានឃាតករំលោភសម្លាប់ស្ត្រីពោះធំ ៥ ខែ ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ នៅខេត្តកណ្ដាល

ព័ត៌មានជាតិ៧ ថ្ងៃ មុន

ទោះរមណីយដ្ឋានអន្លង់ផ្សោតព្រះរំកិលលែងមានសត្វផ្សោត តែភ្ញៀវទេសចរអាចទៅទស្សនាឆ្អឹងផ្សោតបាន

ជីវិតកម្សាន្ដ៥ ថ្ងៃ មុន

សណ្ឋាគារ Novotel បង្ហាញខ្លួនលើកដំបូងនៅកម្ពុជា ចាប់បើកដំណើរការនៅថ្ងៃទី៩ ខែកុម្ភៈ ឆ្នាំ២០២៤​ ខាងមុខ លើឆ្នេរឯករាជ្យ ក្រុងព្រះសីហនុ

កីឡា១ ថ្ងៃ មុន

អនុប្រធានគុនខ្មែរប្រកាសធ្វើសន្និសីទឆាប់ៗពីជំនួប ធន់ រិទ្ធី-សៃយុគ

ចរាចរណ៍១ ម៉ោង មុន

ព័ត៌មានបឋម៖ រថយន្ត​ Alphard ក្រឡាប់ផ្ងារជើងលើផ្លូវល្បឿនលឿនរងរបួស និងស្លាប់ច្រើននាក់

Sokha Hotels

ព័ត៌មានពេញនិយម