អតីតអ្នកស្រាវជ្រាវនៅសាកលវិទ្យាល័យ សិង្ហបុរី ជាប់ទោសពីបទលួចថតក្រោមសំពត់ស្រីៗ

អតីតអ្នកស្រាវជ្រាវនៅសាកលវិទ្យាល័យ NTU ក្នុងប្រទេសសិង្ហបុរី ជាប់ទោសពីបទលួចថតក្រោមសំពត់ស្រីៗ និងកាន់កាប់វីដេអូអាសអាភាស ត្រូវកាត់ទោសឲ្យជាប់ពន្ធនាគារ ៨ ខែ ហើយផាកពិន័យជាទឹកប្រាក់ ៧៣៧ ដុល្លារ នៅថ្ងៃច័ន្ទ ទី៤ ខែកញ្ញា ។

មិនត្រឹមតែប៉ុណ្ណោះ លោក Lin Junquan ក៏ត្រូវសាកលវិទ្យាល័យ Nanyang Technological បណ្ដេញចេញតាំងពីឆ្នាំ ២០២១ មកម្ល៉េះ ។

ករណីចុងក្រោយរបស់ Lin កើតឡើងនៅថ្ងៃទី២២ ខែមីនា ឆ្នាំ ២០២១ វេលាម៉ោង ៤ និង ៥១ នាទីល្ងាច ។ បុរសវ័យ ៣៣ ឆ្នាំរូបនេះ បានដើរតាមក្រោយនារីម្នាក់ ខណៈដែលនាងកំពុងឡើងជណ្តើរយន្តឡើងទៅលើរថភ្លើង ។ Lin បានថតវីដេអូរយៈពេល ៣៨ វិនាទី ស្រាប់តែមានអ្នកមកឃើញ ហើយចាប់គាត់ជាប់ ។

លោក Lin សារភាពមុខប៉ូលិសថា ខ្លួនបានថតវីដេអូខ្លីៗជាមធ្យមចំនួន ៣ រៀងរាល់ ៣ ទៅ ៥ ខែម្ដង ពីចន្លោះឆ្នាំ ២០១៨ ដល់ខែកញ្ញា ឆ្នាំ២០២០ ។ ចាប់ពីខែសីហា ឆ្នាំ ២០២០ មក គាត់ថតបានយ៉ាងតិច ១០ វីដេអូក្នុងមួយខែ ។

បុរសខាងលើនឹងរក្សាទុកវីដេអូ កែសម្រួលវា និងរក្សាទុកនៅក្នុង “ឯកសារសម្ងាត់” ដែលគាត់នឹងយកមកមើលឡើងវិញ នៅពេលចង់សម្រេចកាមដោយខ្លួនឯង ។

ក្នុងអំឡុងពេលស៊ើបអង្កេតប៉ូលិសរកឃើញខ្សែភាពយន្តអាសអាភាសចំនួន ៣៥ ទៀត ដែល Lin បានមកពីគេហទំព័រអាសអាភាសផ្សេងៗផងដែរ ៕

ប្រែសម្រួល៖ វារី

ប្រភព៖ todayonline

ចុចអាន៖ ប៉ូលិសចាប់ខ្លួននិស្សិត ថៃ វ័យ ១៩ឆ្នាំម្នាក់ ពីបទលក់រូបអាសអាភាសកុមារ