ព័ត៌មានអន្ដរជាតិ
សេចក្តីថ្លែងការណ៍ទាំងស្រុងរបស់លោក Joe Biden ស្តីពីស្ថានភាពនៅប្រទេស មីយ៉ាន់ម៉ា
នៅថ្ងៃអង្គារនេះ លោកប្រធានាធិបតី Joe Biden បានគំរាមដាក់ទណ្ឌកម្មថ្មីលើប្រទេសមីយ៉ាន់ម៉ា បន្ទាប់ពីយោធាធ្វើរដ្ឋប្រហារនិងចាប់ខ្លួនមេដឹកនាំស៊ីវិលរបស់រដ្ឋាភិបាលរួមទាំងលោកស្រី អ៊ុងសានស៊ូជី ផងដែរ។
លោក Biden បានថ្កោលទោសកងទ័ពរបស់ប្រទេសនេះសម្រាប់ការធ្វើរដ្ឋប្រហារ ដោយហៅថាជាការវាយលុកដោយផ្ទាល់ទៅលើដំណើរការរបស់ប្រទេសនេះឆ្ពោះទៅកាន់លទ្ធិប្រជាធិបតេយ្យនិងនីតិរដ្ឋ។
ខាងក្រោមនេះគឺជាសេចក្តីថ្លែងការណ៍ទាំងស្រុងរបស់លោកប្រធានាធិបតី Joseph R. Biden, Jr. ស្តីពីស្ថានភាពនៅប្រទេសមីយ៉ាន់ម៉ា៖
ការរឹបអូសយកអំណាចដោយយោធានៅក្នុងប្រទេសភូមា ការឃុំខ្លួនលោកស្រីអ៊ុងសានស៊ូជីនិងមន្រ្តីស៊ីវិលដទៃទៀតនិងការប្រកាសអំពីស្ថានភាពអាសន្នរបស់ប្រទេសគឺជាការរំលោភដោយផ្ទាល់ទៅលើការផ្លាស់ប្តូររបស់ប្រទេសឆ្ពោះទៅកាន់លទ្ធិប្រជាធិបតេយ្យនិងនីតិរដ្ឋ។ នៅក្នុងលទ្ធិប្រជាធិបតេយ្យ កងកម្លាំងមិនគួរព្យាយាមប្រើអំណាចដើម្បីបំផ្លាញឆន្ទៈរបស់ប្រជាជនឬប៉ុនប៉ងលុបបំបាត់លទ្ធផលនៃការបោះឆ្នោតដែលគួរឲ្យទុកចិត្តបានឡើយ។ អស់រយៈពេលជិតមួយទសវត្សរ៍មកនេះ ប្រជាជនភូមាបាននិងកំពុងធ្វើការជាប្រចាំដើម្បីនាំឲ្យមានការបោះឆ្នោត អភិបាលកិច្ចស៊ីវិលនិងការផ្ទេរអំណាចដោយសន្តិវិធី។ វឌ្ឍនភាពនោះគួរតែត្រូវបានគោរព។
សហគមន៍អន្តរជាតិគួរតែរួមគ្នាក្នុងសំឡេងតែមួយ ដើម្បីដាក់សម្ពាធដល់យោធាភូមាឲ្យលះបង់អំណាចដែលពួកគេបានកាន់កាប់ភ្លាមៗ ដោះលែងសកម្មជននិងមន្ត្រីដែលពួកគេឃុំខ្លួន ដកការរឹតត្បិតលើផ្នែកទូរគមនាគមន៍ទាំងអស់និងចៀសវាងអំពើហិង្សាប្រឆាំងជនស៊ីវិល។ សហរដ្ឋអាមេរិកកំពុងកត់សម្គាល់អ្នកដែលឈរជាមួយប្រជាជនភូមាក្នុងគ្រាលំបាកនេះ។ យើងនឹងធ្វើការជាមួយដៃគូរបស់យើងនៅទូទាំងតំបន់និងពិភពលោក ដើម្បីគាំទ្រដល់ការស្តារលទ្ធិប្រជាធិបតេយ្យនិងនីតិរដ្ឋឡើងវិញក៏ដូចជានាំអ្នកបំផ្លាញការផ្លាស់ប្តូរលទ្ធិប្រជាធិបតេយ្យរបស់ភូមាឲ្យមកទទួលខុសត្រូវផងដែរ។
សហរដ្ឋអាមេរិកបានដកទណ្ឌកម្មលើប្រទេសមីយ៉ាន់ម៉ាក្នុងរយៈពេលមួយទសវត្សរ៍កន្លងមកនេះ ដោយផ្អែកលើការរីកចម្រើនឆ្ពោះទៅរកលទ្ធិប្រជាធិបតេយ្យ។ ការថយក្រោយនៃការរីកចម្រើននោះ នឹងត្រូវពិនិត្យឡើងវិញជាបន្ទាន់នូវច្បាប់និងអំណាចរបស់យើង ហើយបន្ទាប់មកនឹងមានសកម្មភាពសមស្រប។
សហរដ្ឋអាមេរិកនឹងក្រោកឈរដើម្បីលទ្ធិប្រជាធិបតេយ្យនៅកន្លែងណាដែលរងការវាយប្រហារ៕
ប្រែសម្រួលដោយ៖ Vann Vann
ប្រភព៖ White House
ចុចអាន៖ លោក Biden គំរាមដាក់ទណ្ឌកម្មប្រទេសមីយ៉ាន់ម៉ាបន្ទាប់ពីរដ្ឋប្រហារ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង