បាតុកម្មទាមទារឲ្យដោះលែងលោកស្រី ស៊ូជី ផ្ទុះឡើងក្នុងទីក្រុង តូក្យូ – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានអន្ដរជាតិ

បាតុកម្មទាមទារឲ្យដោះលែងលោកស្រី ស៊ូជី ផ្ទុះឡើងក្នុងទីក្រុង តូក្យូ

Published

on

ពលរដ្ឋមីយ៉ាន់ម៉ារាប់ពាន់នាក់ដែលរស់នៅក្នុងប្រទេសជប៉ុន បានទាមទារឲ្យមេដឹកនាំមីយ៉ាន់ម៉ាលោកស្រីអ៊ុងសានស៊ូជីត្រូវដោះលែងវិញ នៅឯបាតុកម្មមួយខាងមុខអគារក្រសួងការបរទេសក្នុងសង្កាត់ Kasumigaseki នៃទីក្រុងតូក្យូកាលពីថ្ងៃទី៣ខែកុម្ភៈ។

យោងតាមអ្នករៀបចំបានឲ្យដឹងថា បាតុករប្រមាណ៣,០០០នាក់បានចូលរួម។

អ្នកចូលរួមបាតុកម្មបានទទូចដល់រដ្ឋាភិបាលជប៉ុន កុំឲ្យគាំទ្រដល់រដ្ឋាភិបាលយោធារបស់ប្រទេសមីយ៉ាន់ម៉ានិងបានលើកសញ្ញាដែលសរសេរថា “រដ្ឋាភិបាលជប៉ុនសូមជួយយើងផង” និង “សូមដាក់សម្ពាធលើមេបញ្ជាការយោធា”។ ពួកគេក៏បានលើករូបថតរបស់លោកស្រី ស៊ូជី ផងដែរ។

បាតុករម្នាក់បានបោះរូបថតរបស់មេបញ្ជាការយោធាមីយ៉ាន់ម៉ាទៅលើដីហើយជាន់ អំឡុងការតវ៉ាដែលរៀបចំឡើងដោយសហព័ន្ធពលរដ្ឋសហភាពមីយ៉ាន់ម៉ា។ ហ្វូងមនុស្សក៏បានច្រៀងបទចម្រៀងដែលតែងតែច្រៀងដោយសមាជិកនៃចលនាគាំទ្រលទ្ធិប្រជាធិបតេយ្យរបស់ប្រទេសមីយ៉ាន់ម៉ាផងដែរ។

គួរបញ្ជាក់ថា បន្ទាប់ពីរដ្ឋប្រហារ ប៉ូលិសនៅក្នុងប្រទេសមីយ៉ាន់ម៉ាបានដាក់ការចោទប្រកាន់ប្រឆាំងនឹងមេដឹកនាំលោកស្រី អ៊ុងសាន ស៊ូជី ខណៈលោកស្រីត្រូវបានបញ្ជូនទៅកាន់មន្ទីរឃុំឃាំងរហូតដល់ថ្ងៃទី១៥ខែកុម្ភៈ។

លោកស្រី ស៊ូជី ត្រូវបានចោទប្រកាន់ពីបទរំលោភច្បាប់នាំចូលនិងនាំចេញរបស់ប្រទេស មីយ៉ាន់ម៉ា។ ប៉ូលិសអះអាងថា វិទ្យុទាក់ទងចំនួន៤គ្រឿងដែលនាំចូលដោយខុសច្បាប់ត្រូវបានរកឃើញក្នុងអំឡុងពេលកំពុងឆែកឆេរផ្ទះរបស់លោកស្រី ស៊ូជី៕

ប្រែសម្រួលដោយ៖ Vann Vann

ប្រភព៖ Asahi

ចុចអាន៖ មេដឹកនាំក្រុមឧទ្ទាមជនជាតិភាគតិច ថា រដ្ឋប្រហារមីយ៉ាន់ម៉ាគំរាមកំហែងដល់បទឈប់បាញ់

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services