វៀតណាម គ្រោងឲ្យមន្ត្រីរដ្ឋមួយចំនួនធ្វើការងារពីផ្ទះ

អាជ្ញាធរទីក្រុងហូជីមិញកំពុងរៀបចំផែនការឲ្យមន្ត្រីរាជការដែលមានការងារប្រចាំថ្ងៃមិនជាប់ពាក់ព័ន្ធ ក៏ដូចជាចុះជួបផ្ទាល់ជាមួយប្រជាពលរដ្ឋ អាចសុំធ្វើការងារពីផ្ទះបាន ។

ពាក់ព័ន្ធនឹងបញ្ហានេះដែរ វិទ្យាស្ថានសិក្សាអភិវឌ្ឍន៍ទីក្រុងហូជីមិញ នឹងទទួលបន្ទុកបង្កើតគម្រោងនេះ ហើយនឹងបញ្ចប់ទៅតាមបញ្ជារបស់គណៈកម្មាធិការប្រជាជនទីក្រុងក្នុងឆ្នាំ ២០២៣ នេះតែម្ដង ។

ទន្ទឹមនោះ វាគឺជាផ្នែកមួយនៃគម្រោងដើម្បីបង្កើនប្រសិទ្ធភាពការងាររបស់មន្ត្រីរដ្ឋក្នុងទីក្រុងឆ្នាំ ២០២៤ ដល់ឆ្នាំ ២០៣០ ដើម្បីបម្រើប្រជាពលរដ្ឋជាង ១០ លាននាក់ និងក្រុមហ៊ុនជាង ៣០០,០០០ ក្រុមហ៊ុន ។

ស្របពេលជាមួយគ្នានេះ ដើម្បីទទួលជោគជ័យលើផែនការនេះ ទីក្រុងហូជីមិញនឹងជំរុញការអនុវត្តបច្ចេកវិទ្យាទំនើប ហើយមានមន្ត្រីរដ្ឋមួយចំនួននឹងធ្វើការពីផ្ទះ ។

សូមជម្រាបថា នៅចុងឆ្នាំ ២០២២ ទីក្រុងហូជីមិញ មានមន្ត្រីរដ្ឋសរុបចំនួន ១៩,០៥៩ នាក់ ប៉ុន្តែបច្ចុប្បន្នមិនមានតួលេខណាមួយបញ្ជាក់ពីចំនួនមន្ត្រីរដ្ឋដែលអាចធ្វើការពីផ្ទះបាននៅឡើយទេ ៕

ប្រែសម្រួល៖ វារី

ប្រភព៖ vnexpress

ចុចអាន៖ ៤ ​គោលការណ៍​ធ្វើការពីផ្ទះ​ឱ្យមាន​ប្រសិទ្ធ​ភាព​ដូចទៅកន្លែង