ព័ត៌មានអន្ដរជាតិ

មីស៊ីលធ្លាក់ចំមន្ទីរពេទ្យនៅហ្គាហ្សា ស្លាប់មនុស្សជាង៦០០នាក់ របួសជិត ១០០០នាក់

បានផុស

៣ years មុន

នៅ

ថ្ងៃពុធ ១៨ តុលា ២០២៣

ដោយ

មនុស្សជាង៦០០នាក់ត្រូវបានបញ្ជាក់ថាស្លាប់ និង៩០០នាក់ទៀតរងរបួសនៅឯមន្ទីរពេទ្យ Al-Ahli Arab ក្នុងតំបន់ ហ្គាហ្សា បន្ទាប់ពីការបាញ់មីស៊ីល កាលពីថ្ងៃអង្គារទី១៧ខែតុលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ៊ីស្រាអែលបានបដិសេធការវាយប្រហារមន្ទីរពេទ្យនេះ តែចោទប្រកាន់ថា នោះគឺជាការបាញ់ខុស ពីក្រុមជីហាតឥស្លាមប៉ាឡេស្ទីន (PIJ) ទៅវិញ។ ទោះបីជាយ៉ាងណាក៏ដោយ PIJ បានចោទប្រកាន់អ៊ីស្រាអែលថា ព្យាយាមបិទបាំងការសម្លាប់រង្គាលនេះ។

ក្រៅពីអ្នកជំងឺ មន្ទីរពេទ្យនេះ ក៏កំពុងផ្តល់ទីជម្រកដល់ជនស៊ីវិលប៉ាឡេស្ទីនជាច្រើននាក់ ដែលកំពុងស្វែងរកការជ្រកកោនពីការវាយឆ្មក់តាមអាកាសរបស់អ៊ីស្រាអែល ផងដែរ។

វេជ្ជបណ្ឌិតជនជាតិប៉ាឡេស្ទីនម្នាក់នៅហ្គាហ្សា បានហៅការវាយប្រហារទៅលើមន្ទីរពេទ្យនេះ ថាជា “ការសម្លាប់រង្គាល” ខណៈតំណាងអឌ្ឍចន្ទក្រហមនៅតំបន់ West Bank ចាត់ទុកវាថាជា “អំពើប្រល័យពូជសាសន៍” និង “ឧក្រិដ្ឋកម្មសង្គ្រាម”។

មន្ទីរពេទ្យ Al-Ahli Arab ត្រូវបានបង្កើតឡើងដោយមូលនិធិ Church of England ក្នុងឆ្នាំ ១៨៨២ ហើយបច្ចុប្បន្នគ្រប់គ្រងដោយ Episcopal Diocese of Jerusalem។