ព័ត៌មានអន្ដរជាតិ
ស្ត្រីជនជាតិអូស្ត្រាលីដែលសង្ស័យថា សម្លាប់គ្រួសារខ្លួនឯងដោយប្រើផ្សិតពុល ត្រូវប៉ូលិសចាប់ខ្លួនហើយ
ស្ត្រីជនជាតិអូស្ត្រាលីវ័យ ៤៩ ឆ្នាំម្នាក់ដែលជាប់ជាជនសង្ស័យសម្លាប់គ្រួសារខ្លួនឯង រួមមានឪពុកម្ដាយក្មេង បងស្រី និងស្វាមីរបស់បងស្រី ដោយប្រើផ្សិតពុលប្រភេទពូជ Death Cap ពេលនេះត្រូវបានចាប់ខ្លួនហើយ ។
![](https://www.kampucheathmey.com/wp-content/uploads/2023/11/image-137.png)
ជនសង្ស័យមានឈ្មោះថា Erin Patterson ដោយកាលពីថ្ងៃទី២៩ ខែកក្កដា គាត់បានធ្វើម្ហូបញ៉ាំជុំគ្រួសារនៅភាគអាគ្នេយ៍នៃប្រទេសអូស្ត្រាលី ។ បន្ទាប់ពីបរិភោគរួច អ្នកទាំង ៤ ចាប់ផ្ដើមមិនស្រួលខ្លួននៅយប់នោះតែម្ដង ខណៈដល់ថ្ងៃទី៤ ខែសីហា ម្ដាយក្មេក និងបងស្រីរបស់គាត់បានបាត់បង់ជីវិត ។ ចំណែកឯឪពុកក្មេកវិញបានស្លាប់នៅថ្ងៃបន្ទាប់ ដូច្នេះនៅសល់តែស្វាមីបងស្រីប៉ុណ្ណោះដែលរួចជីវិត ប៉ុន្តែស្ថិតក្នុងស្ថានភាពធ្ងន់ធ្ងរ ។
ពាក់ព័ន្ធនឹងករណីសង្ស័យនេះ អ្នកស្រី Erin Patterson បានប្រកែកទាំងទឹកភ្នែកថា “ខ្ញុំមិនបានធ្វើអ្វីនោះទេ ។ ខ្ញុំសោកស្ដាយណាស់ដែលពួកគេស្លាប់ ខ្ញុំសឹងតែមិនជឿសោះ ព្រោះខ្ញុំស្រឡាញ់ពួកគេខ្លាំងណាស់ ហើយខ្ញុំក៏ខូចចិត្តដែរ” ។
![](https://www.kampucheathmey.com/wp-content/uploads/2023/11/image-138.png)
នៅក្នុងសេចក្ដីថ្លែងការណ៍ផ្សេងទៀតបានឲ្យដឹងថា Erin Patterson បានហូបអាហារដែលមានផ្សិតពុលចានចុងក្រោយ បណ្ដាលឲ្យឈឺពោះ និងរាករហូតទៅពេទ្យនៅថ្ងៃទី៣១ ខែកក្កដា ។ អ្នកស្រី Patterson បានអះអាងថា ផ្សិតដែលប្រើសម្រាប់រៀបចំអាហារគឺជាផ្សិតចម្រុះទិញនៅផ្សារទំនើប ចំណែកឯផ្សិតស្ងួតទិញនៅហាងលក់គ្រឿងទេសអាស៊ីក្នុងទីក្រុង Melbourne ។
អ្វីដែលគួរឲ្យសង្ស័យគឺកូនរបស់ អ្នកស្រី Patterson ចំនួន ២ នាក់មិនបានហូបផ្សិតពុលនោះទេ ព្រោះពួកគេបានទៅមើលកុនបាត់ហើយ ទើបប៉ូលិសគិតថានេះជាគម្រោងការរបស់ជនដៃដល់មិនខាន ៕
ប្រែសម្រួល៖ វារី
ចុចអាន៖ ស្វែងយល់ឲ្យច្បាស់ កំពូលផ្សិតពុលទាំង ៧ ប្រភេទ អាចធ្វើឲ្យស្លាប់បាន
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ