Connect with us

ព័ត៌មានអន្ដរជាតិ

កូរ៉េខាងត្បូង ថា កូរ៉េខាងជើង ផ្ដល់គ្រាប់កាំភ្លើងធំឲ្យ រុស្ស៊ី ដើម្បីប្រយុទ្ធនៅ អ៊ុយក្រែន ១០ ដងមកហើយ

បានផុស

នៅ

ទីភ្នាក់ងារស៊ើបការណ៍សម្ងាត់កូរ៉េខាងត្បូងបានប្រាប់សមាជិកសភាថា កូរ៉េខាងជើងបានផ្គត់ផ្គង់គ្រាប់កាំភ្លើងធំទៅដល់ប្រទេសរុស្ស៊ីសម្រាប់ប្រើប្រាស់ក្នុងសង្គ្រាមជាមួយអ៊ុយក្រែន ជាថ្នូរនឹងការផ្ដល់បច្ចេកវិទ្យាផ្កាយរណបពីសំណាក់ទីក្រុងមូស្គូទៅឲ្យទីក្រុងព្យុងយ៉ាង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារស៊ើបការណ៍សម្ងាត់ជាតិរបស់ទីក្រុងសេអ៊ូល (NIS) បានរាយការណ៍កាលពីពេលថ្មីៗនេះថា ទីក្រុងព្យុងយ៉ាងបានផ្គត់ផ្គង់គ្រាប់កាំភ្លើងធំជាង ១ លានគ្រាប់ទៅឲ្យរដ្ឋាភិបាលទីក្រុងមូស្គូ ចាប់តាំងពីដើមខែសីហាមក ខណៈការផ្គត់ផ្គង់នេះគឺជាថ្នូរទៅនឹងការផ្តល់ចំណេះវិជ្ជាផ្សេងៗរបស់រុស្ស៊ី ពាក់ព័ន្ធនឹងបច្ចេកវិទ្យាបាញ់បង្ហោះផ្កាយរណបលើកទី ៣ របស់កូរ៉េខាងជើង បន្ទាប់ពីបរាជ័យ ២ លើកកន្លងមកនេះ ។

ពាក់ព័ន្ធនឹងបញ្ហានេះ សមាជិកសភាកូរ៉េខាងត្បូងលោក Yoo Sang-bum លើកឡើងថា ទីក្រុងព្យុងយ៉ាងបានបញ្ជូនអាវុធប្រហែល ១០ ដងមកហើយទៅកាន់ប្រទេសរុស្ស៊ីតាមផ្លូវអាកាស ក៏ដូចជាតាមរយៈការដឹកជញ្ជូនតាមផ្លូវទឹករវាងកំពង់ផែឆ្នេរខាងកើតរបស់កូរ៉េខាងជើង និងកំពង់ផែរុស្ស៊ី ។

លោក Yoo Sang-bum

យោងតាម NIS បានឲ្យដឹងទៀតថា គ្រាប់កាំភ្លើងធំជាង ១ លានគ្រាប់ត្រូវបានដឹកជញ្ជូនតាមផ្លូវទឹកដែលមានប្រភពចេញពីកំពង់ផែ Najin និងទៅដល់កំពង់ផែ Dunai និង Vostochny របស់រុស្ស៊ី ហើយបន្ទាប់ពីនោះ អាវុធទាំងនេះបានបន្តដឹកជញ្ជូនតាមរថភ្លើងទៅកាន់ឃ្លាំងគ្រាប់ Toretsk ជិតប្រទេសអ៊ុយក្រែន ។

យោងតាមការប៉ាន់ស្មាន ការផ្គត់ផ្គង់គ្រាប់កាំភ្លើងធំប្រមាណ ១ លានគ្រាប់នេះ នឹងជួយដល់កងកម្លាំងរុស្ស៊ីដែលកំពុងឈរជើងប្រយុទ្ធនៅអ៊ុយក្រែន បានរយៈពេល ២ ខែ ស្របពេលដែលលោក​ខាង​លិចក៏​កំពុង​តស៊ូ​ដើម្បី​រក្សា​ល្បឿន​ក្នុង​ការ​ផ្គត់ផ្គង់​សព្វាវុធផ្សេងៗដល់កម្លាំងទ័ព​អ៊ុយក្រែនផងដែរ ។

គួរបញ្ជាក់ថា សហរដ្ឋអាមេរិក កូរ៉េខាងត្បូង និងជប៉ុនសុទ្ធតែបានថ្កោលទោសចំពោះការផ្គត់ផ្គង់អាវុធ និងបរិក្ខារយោធាផ្សេងៗរបស់កូរ៉េខាងជើងទៅដល់ប្រទេសរុស្ស៊ី ខណៈរហូតមកដល់ពេលនេះសង្គ្រាមរវាងរុស្ស៊ី និងអ៊ុយក្រែនដែលផ្ទុះឡើងកាលពីថ្ងៃទី២៤ ខែកុម្ភៈ ឆ្នាំ២០២២ បានអូសបន្លាយពេលជិត ២ ឆ្នាំហើយ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ អាល្លឺម៉ង់ បញ្ជូនរថក្រោះខ្លារខិន ២៥គ្រឿងទៀតទៅឲ្យ អ៊ុយក្រែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤២ នាទី មុន

រដ្ឋមន្ត្រីការងារ ជំរុញសមាគមពាណិជ្ជកម្មកម្ពុជា-ជប៉ុន ចូលរួមប្រកួតកម្មវិធីសហគ្រាសមួយជា សហគមន៍សុខសាន្តមួយ

ព័ត៌មានជាតិ៤៧ នាទី មុន

ក្រុងកែបទទួលបានជយលាភីទីក្រុងស្អាតអាស៊ាន

ព័ត៌មានអន្ដរជាតិ១ ម៉ោង មុន

ប៉ាគីស្ថាន ​ចោទ​ ឥណ្ឌា​ ​សម្លាប់ពលរដ្ឋខ្លួន​ក្រៅ​ប្រព័ន្ធ​តុលាការ​

ព័ត៌មានជាតិ១ ម៉ោង មុន

លោក លី ធុជ ដឹកនាំកិច្ចប្រជុំត្រៀមរៀបចំកិច្ចប្រជុំកំពូលសៀមរាប-អង្គរ ស្តីពីពិភពលោកមួយគ្មានមីននៃអនុសញ្ញាអូតាវ៉ា

ព័ត៌មានជាតិ១ ម៉ោង មុន

ម្ចាស់ដី​ស្របច្បាប់​ស្នើ​អាជ្ញាធរស្រុកកណ្តាលស្ទឹង​បង្ក្រាប​ក្រុម​អណាធិបតេយ្យ​ចាប់​ដី​សង់​រោង​លើ​ដីមាន​ម្ចាស់

ព័ត៌មានអន្ដរជាតិ៧ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៥ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៧ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៥ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ចរាចរណ៍២ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

Sokha Hotels

ព័ត៌មានពេញនិយម