តំបន់ភាគច្រើនរបស់ ថៃ នឹងចុះត្រជាក់ដល់ ១ អង្សាសេ

អាកាសធាតុត្រជាក់នៅតំបន់ភាគច្រើនរបស់ប្រទេសថៃដូចជា នៅតំបន់ភាគខាងជើង ឦសាន បូព៌ា និងកណ្តាលបន្តធ្លាក់ចុះដល់សីតុណ្ហភាព ១ ទៅ ២ អង្សាសេ ចាប់ពីថ្ងៃទី២៦ ខែធ្នូនេះតទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះសីតុណ្ហភាព​នៅទីក្រុងបាងកកវិញ ចុះទាបបំផុតមាន​ចន្លោះពី ១៤ ទៅ ១៩ អង្សាសេ និង​ខ្ពស់បំផុតពី ២៨ ទៅ ៣១ អង្សាសេ ខណៈ​នៅតំបន់ភាគខាង​ជើង​មាន​សីតុណ្ហភាពចន្លោះ ៣ ទៅ ១១ អង្សាសេ ។

ទន្ទឹមនោះ ភ្នាក់ងារឧតុនិយមថៃក៏បានព្យាករណ៍ដែរថាថា អាកាសធាតុចុះត្រជាក់ខ្លាំងនឹងបន្តរហូតដល់ថ្ងៃទី១ ខែមករា ឆ្នាំ២០២៤ ជាពិសេសនៅភាគខាងជើង និងភាគឦសាន ទោះបីជាមានកម្ដៅខ្លាំងចេញពីព្រះអាទិត្យ ក៏សីតុណ្ហភាពនៅតែត្រជាក់ដដែល ។

ដោយឡែក សម្រាប់តំបន់ឆ្នេរខាងកើត និងខាងលិចនៃខេត្តភាគខាងត្បូង នឹងមានសីតុណ្ហភាពចាប់ពី ២៥ ទៅ ៣២ អង្សាសេ ហើយជួនកាលក៏នឹងមានភ្លៀងធ្លាក់ខ្លាំងផងដែរ ជាពិសេសនៅតំបន់ទំនាប ។

ស្របពេលជាមួយគ្នានេះ ក៏នឹងមានខ្យល់បក់បោកកម្ពស់ពី ២ ទៅ ៤ ម៉ែត្រនៅតំបន់ឈូងសមុទ្រថៃ និងជាង ៤ ម៉ែត្រនៅតំបន់ដែលមានផ្គររន្ទះ ខណៈសមុទ្រ Andaman នឹង​មាន​សភាព​ស្ងប់ស្ងាត់​បន្តិច ដោយ​មានរលកបោកបក់​ក្នុង​រង្វង់​ ២​ ទៅ ៣ ​ម៉ែត្រ​ពី​ឆ្នេរសមុទ្រ ៕

ប្រែសម្រួល៖ នាង រតនៈ

ប្រភព៖ The Nation