ព័ត៌មានអន្ដរជាតិ
មេទ័ពមីយ៉ាន់ម៉ា ថ្លែងជាសាធារណៈលើកដំបូងទាក់ទងនឹងបាតុកម្ម
ប្រមុខរដ្ឋាភិបាលយោធាថ្មីរបស់ប្រទេសមីយ៉ាន់ម៉ា បានព្រមានដល់មន្រ្តីរដ្ឋការឲ្យវិលត្រឡប់ទៅធ្វើការវិញ ហើយបានជំរុញឲ្យប្រជាជនបញ្ឈប់ការប្រមូលផ្តុំគ្នាធំៗដើម្បីចៀសវាងការរីករាលដាលនៃវីរុសកូរ៉ូណា ខណៈការតវ៉ាថ្ងៃទី៦ប្រឆាំងនឹងការគ្រប់គ្រងរបស់កងទ័ពបានរាលដាលពាសពេញប្រទេស។
ឧត្ដមសេនីយ៍ Min Aung Hlaing បានថ្លែងជាសាធារណៈលើកដំបូងទាក់ទងនឹងបាតុកម្មកាលពីថ្ងៃព្រហស្បតិ៍ម្សិលមិញនេះ ដោយស្តីបន្ទោសទៅលើក្រុមមនុស្សគ្មានការអៀនខ្មាស់ ដែលឈប់ធ្វើការងារនៅក្នុងចលនាមិនគោរពច្បាប់ស៊ីវិល។ គ្រូពេទ្យ គ្រូបង្រៀន កម្មករផ្លូវដែកនិងបុគ្គលិករដ្ឋាភិបាលជាច្រើនទៀតបានចូលរួមក្នុងបាតុកម្ម។
លោកនិយាយថា “អ្នកដែលនៅឆ្ងាយពីភារកិច្ចរបស់ពួកគេ ត្រូវបានស្នើសុំឲ្យត្រឡប់ទៅបំពេញភារកិច្ចរបស់ពួកគេជាបន្ទាន់ ដើម្បីផលប្រយោជន៍ប្រទេសនិងប្រជាជន”។
នៅក្នុងសេចក្តីថ្លែងការណ៍មួយដែលចេញដោយសេវាកម្មព័ត៌មានរបស់កងទ័ព លោកក៏បានជំរុញប្រជាជនឲ្យចៀសវាងការប្រមូលផ្ដុំគ្នាផងដែរ ដោយលោកបាននិយាយថា ការប្រមូលផ្តុំគ្នានឹងជំរុញឲ្យមានការរីករាលដាលនៃវីរុសកូរ៉ូណា។
ទោះបីជាយ៉ាងណាក៏ដោយ ក្រុមអ្នកតវ៉ាបានប្រមូលផ្តុំគ្នានៅទូទាំងប្រទេសកាលពីថ្ងៃព្រហស្បតិ៍។
កម្មកររាប់រយនាក់បានប្រមូលផ្តុំនៅតាមដងផ្លូវក្នុងរដ្ឋធានីណៃពិដោ ដោយស្រែកពាក្យស្លោកប្រឆាំងរដ្ឋាភិបាលយោធានិងកាន់ស្លាកគាំទ្រលោកស្រីអ៊ុងសានស៊ូជី។
មនុស្សរាប់ពាន់នាក់ក៏បានធ្វើបាតុកម្មនៅទីក្រុងយ៉ាំងហ្គោនដែលជាទីក្រុងធំបំផុតរបស់មីយ៉ាន់ម៉ាផងដែរ៕
ប្រែសម្រួលដោយ៖ Vann Vann
ប្រភព៖ Al Jazeera
ចុចអាន៖ ក្រុមប្រឹក្សាសិទ្ធិមនុស្ស UN នឹងបើកសម័យប្រជុំពិសេសស្តីពីស្ថានភាព មីយ៉ាន់ម៉ា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត