Connect with us

ព័ត៌មានអន្ដរជាតិ

បុរសអាមេរិកម្នាក់ ច្រឡំពោលពាក្យគេហាមប្រាមលើកប៉ាល់ទេសចរណ៍ ជាប្រផ្នូលមិនល្អដូចទីតានិក

បានផុស

នៅ

តើអ្នកដឹងទេថា នៅលើកប៉ាល់ទេសចរណ៍មានពាក្យមួយចំនួនត្រូវបានគេហាមប្រាមដាច់ខាតដែលមិនគួរនិយាយចេញមកទាល់តែសោះ។ ប៉ុន្តែ យោងតាម nypost បានចុះផ្សាយពី Net Idol ដ៏ល្បីម្នាក់ បានស្រែកនិយាយប្រយោគពាក់ព័ន្ធនឹងទីតានិកនៅកណ្តាលបន្ទប់ទទួលទានអាហារជុំគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Mark Sebastian ដែលជា TikToker មានអ្នកតាមដាន ១.៧ លាននាក់ បានចែករំលែកបទពិសោធន៍របស់គាត់លើយុទ្ធនាការ Ultimate World Cruise របស់ Royal Caribbean និងអ្វីដែលគាត់បានរៀនក្នុងអំឡុងពេល ១៨ យប់នៅលើកប៉ាល់ទេសចរណ៍មួយ ចាប់ពីថ្ងៃទី ០៥-២៣ ខែមករា ឆ្នាំ២០២៤។

តាមរយៈឃ្លិបដែលបង្កោះដោយតារា TikToker ដដែលរូបនោះ បានផ្ទុះនូវការចាប់អារម្មណ៍យ៉ាង​ច្រើនលើសលប់ រហូត​ធ្វើ​ឲ្យវីដេអូ​របស់លោកផ្ទាល់មាន​អ្នក​ចូល​មើល​ជាង​៧​លាន​ដង​។​ ​នេះ​ជា​រឿង​ដែល​លោក​ Mark និយាយ​ថា​ គាត់បានដឹងថាមានពាក្យមួយដែលមិនសមរម្យក្នុងការនិយាយនៅលើកប៉ាល់ទេសចរណ៍គឺពាក្យ Titanic ដែលគាត់ផ្ទាល់បាននិយាយដោយចៃដន្យ។ រហូត​ដល់​មិត្ត​របស់​គាត់​បាន​ខ្សឹប​ប្រាប់​​កុំ​ឲ្យនិយាយ​ពី​កប៉ាល់​ទីតានិក ឬអ្វីក៏ដោយកុំពាក់ព័ន្ធនឹងកប៉ាល់មួយនេះឲ្យសោះ។

លោក​ Mark Sebastian បានរៀបរាប់ហេតុការណ៍ដែលខ្លួនច្រឡំនិយាយលើកប៉ាល់ថា “នៅពេលដែលបន្ទប់ទាំងមូលកំពុងញ៉ាំអាហារថ្ងៃត្រង់។ ខ្ញុំ​ថា​កប៉ាល់​របស់​យើង​មាន​ប្រវែង​វែង​ជាង​កប៉ាល់​ទីតានិក​តែ ១០០ ហ្វីត​ប៉ុណ្ណោះ។ ភ្លាមៗ ខ្ញុំ​ស្រាប់តែឮ​សំឡេង​ឧបករណ៍​ធ្លាក់​មក​លើ​ឥដ្ឋ ហើយអ្នករត់តុដកដង្ហើមធំ រួចមកបរិយាកាសគ្រប់យ៉ាងគឺប្រែជាស្ងប់ស្ងាត់យ៉ាងចម្លែក”។

បុរសជា TikToker ដដែលបានបញ្ចាក់បន្ថែមទៀតថា មុន​ពេល​ជិះ​កប៉ាល់ គាត់​មិន​ដែល​ដឹង​ថា​មាន​ពាក្យ​ហាម​ឃាត់​បែប​នេះ​ទេ។ ប៉ុន្តែយ៉ាងណាក៏ដោយ ប្រយោគបែបនេះវាត្រូវបានគេជឿថាហេតុផលដែលមិនគួរនិយាយចេញមកទាល់តែសោះ។ នេះក៏ដោយសារតែវាត្រូវបានចាត់ទុកថាជាប្រផ្នូលអាក្រក់ ពីគ្រោះមហន្តរាយ Titanic ដែលបានក្លាយជាសោកនាដកម្ម​ សម្រាប់មនុស្សជុំវិញពិភពលោកស្គាល់យ៉ាងច្បាស់។

លើសពីនេះ នៅលើកប៉ាល់ទេចរណ៍ជាច្រើននៅបរទេស គេបានស្លាកហាម​ប្រាមភ្ញៀវកុំឲ្យរម្លឹកពីសោកនាដកម្ម​ពិភពលោកនេះ លើយានជំនិះរបស់គេ។ ប្រសិនបើមានភ្ញៀវណាម្នាក់ច្រឡំនិយាយ គេត្រូវសុំទោស ហើយឈប់មាត់ កពាក់ព័ន្ធនឹងកប៉ាល់ Titanic ។ តាមជំនឿគេគ្រប់គ្នាគិតថា វាជាប្រផ្នូលមួយដ៏អាក្រក់បំផុតដែលគ្មានអ្នកណាចង់ជួបនោះទេ ខណៈខ្លួនកំពុងស្ថិតលើសមុទ្រដ៏ធំល្វឹងល្វើយនេះ៕

អត្ថបទ៖ សាង ស្រីល័ក្ខ

ចុចអាន៖ផ្ទុះការចាប់អារម្មណ៍លើបុរសវៀតណាម២រូប លក់ផ្កាស្បៃរឿងមុនចូលឆ្នាំថ្មីមកដល់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៣ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៣ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៣ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៥ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម