ព័ត៌មានអន្ដរជាតិ

ផ្ទុះឆេះរោងចក្រថ្នាំលាបមួយកន្លែងក្នុងទីក្រុង ឥណ្ឌា លេបត្របាក់មនុស្ស ១១ នាក់

បានផុស

២ years មុន

នៅ

ថ្ងៃសៅរ៍ ១៧ កុម្ភៈ ២០២៤

ដោយ

ទីភ្នាក់ងារសារព័ត៌មាន Press Trust of India បានរាយការណ៍ថា អគ្គិភ័យដ៏ធំមួយបានលេបត្របាក់រោងចក្រថ្នាំលាបមួយកន្លែងនៅក្នុងរដ្ឋធានីរបស់ប្រទេសឥណ្ឌា ដោយបានសម្លាប់មនុស្សយ៉ាងហោចណាស់ ១១ នាក់ និងបណ្តាលឲ្យមនុស្ស ៤ នាក់ផ្សេងទៀតរងរបួស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីពន្លត់អគ្គិភ័យបានឲ្យដឹងថា អគ្គិភ័យបានកើតឡើងកាលពីល្ងាចថ្ងៃសុក្រនៅជាន់ផ្ទាល់ដីនៃរោងចក្រ ប៉ុន្តែបានឆក់យកជីវិតជនរងគ្រោះនៅជាន់ខាងលើ ដោយសារតែគ្មានផ្លូវចេញ ។ អគារដែលជាឃ្លាំងផ្ទុកសារធាតុគីមីនេះមានទីតាំងនៅតំបន់ Alipur ក្នុងភាគខាងជើងទីក្រុង New Delhi ។

សាកសពជនរងគ្រោះទាំង ១១ នាក់ត្រូវបានយកចេញពីគំនរបាក់បែក បន្ទាប់ពីរថយន្តពន្លត់អគ្គិភ័យចំនួន ២២ គ្រឿងបានពន្លត់អណ្តាតភ្លើង អស់រយៈពេលជាង ៥ ម៉ោង ខណៈរហូតមកកដល់ពេលនេះ ជនរងគ្រោះមិនទាន់ស្គាល់អត្តសញ្ញាណនៅឡើយទេ ហើយមូលហេតុពិតប្រាកដនៃការឆាបឆេះនេះក៏មិនទាន់ដឹងច្បាស់ដូចគ្នា ។

គួរបញ្ជាក់ថា អគ្គីភ័យគឺជារឿងធម្មតាទៅហើយនៅក្នុងប្រទេសឥណ្ឌា ដោយសារតែការសាងសង់មិនគោរពតាមបទដ្ឋានសុវត្ថិភាព និងសំណង់ខុសច្បាប់ជាដើម ៕