ព័ត៌មានអន្ដរជាតិ
អាមេរិក បន្ត វេតូ លើសេចក្តីសម្រេច បទឈប់បាញ់នៅ ហ្គាហ្សា
ជាថ្មីម្តងទៀត សហរដ្ឋអាមេរិក បានវេតូលើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ដែលអំពាវនាវឲ្យមានបទឈប់បាញ់មនុស្សធម៌ជាបន្ទាន់ រវាងអ៊ីស្រាអែលនិងក្រុមហាម៉ាស។
តាមសេចក្តីរាយការណ៍របស់ Reuters នៅថ្ងៃពុធទី២១ខែកុម្ភៈ, ក្នុងចំណោមសមាជិកទាំង១៥របស់ក្រុមប្រឹក្សានេះ មាន១៣ប្រទេសទៅហើយដែលគាំទ្រ ប៉ុន្តែមានតែអាមេរិកប៉ុណ្ណោះដែលប្រឆាំង ខណៈអង់គ្លេស អនុបវាទចំពោះសេចក្តីសម្រេចដែលព្រាងដោយប្រទេសអាល់ហ្សេរី។
ដោយសំដៅទៅកិច្ចខិតខំប្រឹងប្រែងរបស់សហរដ្ឋអាមេរិក អេហ្ស៊ីប និងប្រទេសដទៃទៀត ក្នុងការសម្រុះសម្រួលផ្អាកប្រយុទ្ធគ្នា ជាថ្នូនឹងការដោះលែងចំណាប់ខ្មាំងដែលស្ថិតក្នុងដៃក្រុមហាម៉ាស, ឯកអគ្គរដ្ឋទូតសហរដ្ឋអាមេរិកប្រចាំ UN លោកស្រី Linda Thomas-Greenfield និយាយបន្ទាប់ពីការបោះឆ្នោតថា សេចក្តីសម្រេចស្តីពីបទឈប់បាញ់ គឺមិនអាចចាក់គ្រឹះសម្រាប់សន្តិភាពប្រកបដោយនិរន្តរភាពបានឡើយ ហើយនឹងធ្វើឲ្យការចរចាស្ថិតក្នុងគ្រោះថ្នាក់ថែមទៀត។
លោកស្រីបញ្ជាក់ថា សហរដ្ឋអាមេរិក នឹងដាក់ឯកសារព្រាងរបស់ខ្លួនផ្ទាល់តែម្តង ដែលនឹងអំពាវនាវឲ្យមានបទឈប់បាញ់ជាបណ្តោះអាសន្ន ភ្ជាប់ទៅនឹងការដោះលែងចំណាប់ខ្មាំងទាំងអស់។
ពាក់ព័ន្ធការវេតូរបស់អាមេរិក ឯកអគ្គរដ្ឋទូតរុស្ស៊ីប្រចាំ UN លោក Vassily Nebenzia បានស្តីបន្ទោសខ្លាំងៗថា ទីក្រុងវ៉ាស៊ីនតោន កំពុងទុកឲ្យជនស៊ីវិលរាប់ពាន់នាក់ទៀតនៅហ្គាហ្សា រង់ចាំថ្ងៃស្លាប់។
សូមបញ្ជាក់ នេះគឺជាលើកទីបួនហើយ ដែលសហរដ្ឋអាមេរិក វេតូលើសេចក្តីសម្រេចរបស់ក្រុមប្រឹក្សាសន្តិសុខស្តីពីតំបន់ហ្គាហ្សា ចាប់តាំងពីការប្រយុទ្ធគ្នាផ្ទុះឡើងកាលពីថ្ងៃទី៧ខែតុលាឆ្នាំមុន។
តាមរបាយការណ៍របស់ក្រសួងសុខាភិបាលប៉ាឡេស្ទីន, គិតត្រឹមថ្ងៃអង្គារទី២០ខែកុម្ភៈឆ្នាំ២០២៤ តួលេខមនុស្សស្លាប់ដោយសារការសងសឹករបស់អ៊ីស្រាអែល នៅតំបន់ហ្គាហ្សា បានកើនដល់ ២៩១៩៥នាក់ និងរបួស ៦៩១៧០នាក់៕
អត្ថបទ៖ សុខ សុវណ្ណ
ចុចអាន៖ មហាសន្និបាត UN អនុម័តសេចក្តីសម្រេចទាមទារឲ្យមានបទឈប់បាញ់ ក្នុងជម្លោះអ៊ីស្រាអែល-ហាម៉ាស
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង