ព័ត៌មានអន្ដរជាតិ
លោក ហ្សេលេនស្គី ប្រកាសបើកប្រតិបត្តិការវាយបកថ្មីទៀត លើរុស្ស៊ី
ប្រធានាធិបតីអ៊ុយក្រែនលោក វ្ល៉ាឌីមៀរ ហ្សេលេនស្គី បាននិយាយថា ទីក្រុងកៀវ កំពុងរៀបចំផែនការវាយបកថ្មីទៅលើរុស្ស៊ី ថ្វីបើឆ្នាំមុនខ្លួនរងបរាជ័យជាបន្តបន្ទាប់ក្រោមដៃទីក្រុងមូស្គូ ហើយថ្មីៗនេះ បាត់បង់ទីក្រុង Avdeevka ក្នុងតំបន់ Donbass ទៀតក៏ដោយ។
នៅក្នុងបទសម្ភាសជាមួយ Fox News កាលពីថ្ងៃសុក្រទី២៣ខែកុម្ភៈ លោក ហ្សេលេនស្គីទទួលស្គាល់ថា អ្នកគាំទ្រលោកខាងលិចមួយចំនួនលែងអត់ធ្មត់ទៀតហើយចំពោះទីក្រុងកៀវ ហើយតែងតែចោទសួរថា ពេលណាចប់សង្គ្រាម ពេលណាយើងនឹងឈ្នះ។
ស្របពេលជាមួយគ្នានោះ មេដឹកនាំអ៊ុយក្រែនបានសង្កត់ធ្ងន់ថា អាទិភាពធំបំផុតរបស់គាត់គឺបញ្ចៀសការស្លាប់ទាហានទ្រង់ទ្រាយធំ ហើយថា ប្រសិនបើទីក្រុងកៀវបាត់បង់ទាហានពិតមែន ខ្លួននឹងបាត់បង់គ្រប់យ៉ាង ទោះលោកខាងលិចផ្តល់អាវុធទំនើបៗកម្រិតណាក៏ដោយ។
លោកបន្តទៀតថា “តំបន់ភាគខាងត្បូងគឺមានសារៈសំខាន់ណាស់! អាទិភាពផ្សេងទៀតរបស់ទីក្រុងកៀវ គឺការពារខ្សែត្រៀមជួរមុខនៅ Donbass។ យើងនឹងរៀបចំការវាយលុកថ្មី ដែលជាប្រតិបត្តិការថ្មីមួយ”។ ទោះបីជាយ៉ាងណាក៏ដោយ លោក ហ្សេលេនស្គី មិនបញ្ជាក់ទេថាតើ ប្រតិបត្តិការថ្មីនេះ នឹងចាប់ផ្តើមនៅពេលណា។
សូមបញ្ជាក់ជាថ្មី អ៊ុយក្រែន បានបើកការវាយលុកទ្រង់ទ្រាយធំនៅដើមរដូវក្តៅឆ្នាំមុនដោយមានជំនួយគ្រឿងសឹកយ៉ាងច្រើនសន្ធឹកពីលោកខាងលិច ប៉ុន្តែត្រូវបរាជ័យ មិនទទួលបានផ្លែផ្កាជាដុំកំភួនអ្វីទេ។
ពាក់ព័ន្ធប្រតិបត្តិការនោះ រដ្ឋមន្ត្រីការពារជាតិរុស្សី លោក Sergey Shoigu និយាយថា ទីក្រុងកៀវបានទទួលរងការបង់ខាតយ៉ាងដំណំ ដោយកងទ័ពជាង២១៥០០០នាក់ ត្រូវក្ស័យជីវិត។
ដោយឡែក កាលពីសប្តាហ៍មុន ទាហានរុស្ស៊ីបានសម្រេចការគ្រប់គ្រងទាំងស្រុងលើទីក្រុងដែលមានកំពែងរឹងមាំឈ្មោះ Avdeevka ហើយបើតាមការអះអាងរបស់រុស្ស៊ី នៅសមរភូមិនោះ ទីក្រុងកៀវ ស្លាប់ទាហានប្រហែល១៥០០នាក់ទៀត៕
អត្ថបទ៖ សុខ សុវណ្ណ
ចុចអាន៖ រុស្ស៊ី ព្រមានផ្ទុះសង្គ្រាមនុយក្លេអ៊ែរ ពេល F-16 ទៅដល់ដៃ អ៊ុយក្រែន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង