ព័ត៌មានអន្ដរជាតិ
កិច្ចប្រជុំកំពូល អាស៊ាន-អូស្ត្រាលី ដាក់មុខព្រួញលើសន្តិសុខដែនសមុទ្រ និងពាណិជ្ជកម្ម
នាយករដ្ឋមន្ត្រីអូស្ត្រាលី លោក Anthony Albanese បាននិយាយនៅថ្ងៃពុធនេះថា បញ្ហាសន្តិសុខដែនសមុទ្រ ការធ្វើពាណិជ្ជកម្ម និងថាមពលស្អាត នឹងមានឥទ្ធិលលើអនាគតរបស់ប្រទេសអូស្ត្រាលីជាមួយប្លុកអាស៊ាន ខណៈដែលទីក្រុងប៉េកាំងកំពុងបង្កើនវត្តមានរបស់ខ្លួននៅក្នុងដែនសមុទ្រចិនខាងត្បូង ។ នេះបើយោងតាមការចេញផ្សាយដោយទីភ្នាក់ងារព័ត៌មាន Reuters នៅថ្ងៃទី៦ ខែមីនា ។
លោក Albanese បានថ្លែងនៅក្នុងសុន្ទរកថាទៅកាន់កិច្ចប្រជុំកំពូលរយៈពេល ៣ ថ្ងៃដែលគ្រោងនឹងបិទបញ្ចប់នៅល្ងាចថ្ងៃពុធនេះថា “អូស្ត្រាលីប្តេជ្ញាក្នុងការធ្វើការជាមួយអ្នករាល់គ្នាដើម្បីធ្វើឲ្យប្រាកដថា គោលការណ៍នៃអធិបតេយ្យភាព បូរណភាពទឹកដី សមភាព និងឯករាជ្យភាពត្រូវបានប្រកាន់យ៉ាងខ្ជាប់ខ្ជួន ហើយក៏ដើម្បីធ្វើឲ្យតំបន់របស់យើងមានសុខសុវត្ថិភាព ភាពធន់ បើកចំហ បរិយាបន្ន និងថ្កុំថ្កើងផងដែរ” ។
លោកនាយករដ្ឋមន្ត្រីរូបនេះបញ្ជាក់ទៀតថា ទាំងអូស្ត្រាលី និងសមាគមនៃប្រទេសអាស៊ីអាគ្នេយ៍ (អាស៊ាន) ត្រូវតែធ្វើការរួមគ្នា ដើម្បីប្រែក្លាយទំនាក់ទំនងធម្មតាទៅជាកិច្ចសហប្រតិបត្តិការជាក់ស្តែងបន្ថែមទៀតលើនិរន្តរភាព និងសន្តិសុខដែនសមុទ្រ ។
ទន្ទឹមនោះ ក្រៅពីបញ្ហាខាងលើ កិច្ចប្រជុំកំពូលកំពូល អាស៊ាន-អូស្ត្រាលី ក៏រំពឹងនឹងចេញសេចក្តីប្រកាសរួមមួយនៅថ្ងៃពុធនេះ ពាក់ព័ន្ធនឹងគោលជំហររបស់ប្លុកអាស៊ានទៅលើភ្លើងសង្គ្រាមរវាងអ៊ីស្រាអែល និងក្រុមប្រដាប់អាវុធប៉ាលេស្ទីននៅតំបន់ហ្គាហ្សា ក៏ដូចជាសង្គ្រាមលុកលុយរបស់រុស្ស៊ីទៅលើអ៊ុយក្រែនដែលរហូតមកដល់ពេលនេះ អូសបន្លាយពេលជាង ២ ឆ្នាំមកហើយ ។
គួរបញ្ជាក់ថា កិច្ចប្រជុំកំពូលពិសេស អាស៊ាន-អូស្ត្រាលី ដែលរៀបចំឡើងនៅក្នុងទីក្រុងម៉ែលប៊នបានចាប់ផ្ដើមប្រព្រឹត្តទៅកាលពីថ្ងៃទី៤ ខែមីនា និងបន្តរហូតដល់ថ្ងៃទី៦ ខែមីនានេះ ខណៈកិច្ចប្រជុំកំពូលពិសេសនេះក៏រៀបចំឡើងដើម្បីអបអរសាទរខួបអនុស្សាវរីយ៍លើកទី ៥០ នៃទំនាក់ទំនងដៃគូសន្ទនា អាស៊ាន-អូស្ត្រាលី ផងដែរ ៕
ដោយ ៖ សុខ ជីវ័ន្ត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង