ព័ត៌មានអន្ដរជាតិ
អូស្ត្រាលី ផ្ដល់កញ្ចប់ជំនួយជិត ៤២ លានដុល្លារអាមេរិកឲ្យ អាស៊ាន ដើម្បីគាំទ្រដល់សន្តិសុខដែនសមុទ្រ
នៅថ្ងៃដំបូងនៃកិច្ចប្រជុំកំពូលពិសេស អាស៊ាន-អូស្ត្រាលី នាទីក្រុងម៉ែលប៊ន រដ្ឋមន្ត្រីការបរទេសអូស្ត្រាលីលោកស្រី Penny Wong បានប្រកាសផ្តល់កញ្ចប់ជំនួយចំនួន ៦៤ លានដុល្លារអូស្ត្រាលី ស្មើនឹងជាង ៤១.៨ លានដុល្លារអាមេរិក សម្រាប់គាំទ្រទៅដល់សន្តិសុខដែនសមុទ្រក្នុងប្លុកមួយនេះ ។ នេះបើយោងតាមការចេញផ្សាយដោយសារព័ត៌មាន Al Jazeera កាលពីថ្ងៃទី៤ ខែមីនាកន្លងទៅ ។
លោកស្រី Wong បាននិយាយនៅក្នុងសុន្ទរកថាទៅកាន់វេទិកាស្តីពីកិច្ចសហប្រតិបត្តិការដែនសមុទ្រកាលពីថ្ងៃចន្ទថា “បណ្តាប្រទេសនៃតំបន់របស់យើងពឹងផ្អែកលើមហាសមុទ្រ សមុទ្រ និងទន្លេសម្រាប់ការរកស៊ីចិញ្ចឹមជីវិត និងធ្វើពាណិជ្ជកម្ម រួមទាំងការធ្វើនាវាចរតាមផ្លូវសមុទ្រដោយសេរី និងបើកចំហនៅក្នុងសមុទ្រចិនខាងត្បូងផងដែរ” ។
ពាក់ព័ន្ធនឹងបញ្ហានេះទៀតសោត ទីភ្នាក់ងារព័ត៌មាន Reuters ក៏បានរាយការណ៍ផងដែរថា ការប្រកាសផ្ដល់កញ្ចប់ជំនួយនេះកើតមានឡើង បន្ទាប់ពីលោកស្រី Wong បានលើកឡើងថា តំបន់ឥណ្ឌូប៉ាស៊ីហ្វិក និងបណ្ដាប្រទេសអាស៊ានកំពុងប្រឈមមុខនឹងការគំរាមកំហែងផ្នែកការពារជាតិយ៉ាងធ្ងន់ធ្ងរ ។
រដ្ឋមន្ត្រីការបរទេសអូស្ត្រាលីរូបនេះបញ្ជាក់បន្ថែមនៅក្នុងសុន្ទរកថានៅឯកិច្ចប្រជុំនោះថា “យើងកំពុងប្រឈមមុខនឹងអស្ថិរភាព ទង្វើបង្កហេតុ និងការគំរាមកំហែង រួមទាំងការប្រព្រឹត្តសកម្មភាពមិនមានសុវត្ថិភាពនៅដែនសមុទ្រ និងអាកាស ហើយអ្វីដែលកើតឡើងនៅសមុទ្រចិនខាងត្បូង ច្រកសមុទ្រតៃវ៉ាន់ និងអនុតំបន់ទន្លេមេគង្គ ព្រមទាំងតំបន់ឥណ្ឌូប៉ាស៊ីហ្វិក គឺសុទ្ធសឹងតែប៉ះពាល់ដល់បណ្ដាប្រទេសរបស់យើងទាំងអស់គ្នា” ។
គួរបញ្ជាក់ថា កិច្ចប្រជុំកំពូលពិសេស អាស៊ាន-អូស្ត្រាលី បានប្រព្រឹត្តទៅកាលពីថ្ងៃទី៤ ខែមីនា រហូតដល់ថ្ងៃទី៦ ខែមីនាក្នុងទីក្រុងម៉ែលប៊ន ខណៈកិច្ចប្រជុំកំពូលពិសេសនេះក៏រៀបចំឡើងដើម្បីអបអរសាទរខួបអនុស្សាវរីយ៍លើកទី ៥០ នៃទំនាក់ទំនងដៃគូសន្ទនា អាស៊ាន-អូស្ត្រាលី ផងដែរ ៕
ដោយ ៖ សុខ ជីវ័ន្ត
ចុចអាន ៖ មកដឹង ចំនួនពលករ វៀតណាម ត្រៀមចំណាកស្រុកទៅធ្វើការនៅបរទេសក្នុងឆ្នាំ ២០២៤ នេះ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង