ព័ត៌មានអន្ដរជាតិ

២ ខែដើមឆ្នាំនេះ ចិន លក់រថយន្តជាង ៤ លានគ្រឿងកើន ១១.១ ភាគរយ

បានផុស

២ years មុន

នៅ

ថ្ងៃអង្គារ ១២ មីនា ២០២៤

ដោយ

ការលក់រថយន្តរបស់ប្រទេសចិនបានកើនឡើងដល់ ១១.១ ភាគរយក្នុងរយៈពេល ២ ខែដំបូងនៃដើមឆ្នាំ ២០២៤ នេះ ដែលស្មើនឹងការលក់ចេញរថយន្តប្រមាណ ៤.០៣ លានគ្រឿង ។ នេះបើតាមចុះផ្សាយរបស់សារព័ត៌មានចិន Xinhua កាលពីថ្ងៃទី១១ ខែមីនាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យពីសមាគមផលិតរថយន្តចិនបានបង្ហាញកាលពីថ្ងៃចន្ទថា រយៈពេលដូចគ្នានាឆ្នាំមុនពោលគឺពីខែមករាដល់ចុងខែកុម្ភៈ ឆ្នាំ២០២៣ ការបញ្ចេញរថយន្តលក់បានកើនឡើង ៨.១ ភាគរយដែលស្មើនឹងការលក់ឡានចេញប្រមាណ ៣.៩២ លានគ្រឿង ។ អ្វីដែលគួរកត់សម្គាល់គឺ ការបញ្ចេញលក់រថយន្តប្រភេទដឹកអ្នកដំណើរក៏កើនឡើងពី ៣.៣៦ លានគ្រឿង ដល់ ៣.៤៥ លានគ្រឿង ដែលមានកំណើនពី ៧.៩ ភាគរយទៅ ១០.៦ ភាគរយធៀបក្នុង១ឆ្នាំ ។

ដោយឡែកការបញ្ចេញប្រភេទឡានដឹកទំនិញកើនឡើង ៩ ភាគរយស្មើនឹង ៥៦០,០០០ គ្រឿងធៀបក្នុង១ឆ្នាំ ខណៈពេលដែលការលក់វិញកើន ១៤.១ ភាគរយធៀបក្នុង១ឆ្នាំ ដែលលក់កើនដល់ ៥៧៥,០០០ គ្រឿង ។

សម្រាប់រថយន្តប្រភេទប្រើថាមពលអគ្គិសនីរបស់ចិន ក៏មានការលូតលាស់ទៅមុខរយៈពេលពីរខែនេះដែរ។ ប្រទេសចិនបានផលិតសរុបកើនដល់ ១.២៥ លានគ្រឿង ដោយការផលិតកើនបាន ២៨.២ ភាគរយធៀបនឹងឆ្នាំមុន ហើយការលក់វិញក៏កើនបាន ២៩.៤ ភាគរយស្មើនឹង ១.២១ លានគ្រឿង ។

បើតាមទិន្នន័យពីប្រភពសមាគមផលិតរថយន្តចិនដដែលបានឲ្យដឹងថា សម្រាប់ការនាំចេញទៅក្រៅប្រទេសរបស់ចិន កើនដល់ ៨២២,០០០ គ្រឿងក្នុងរយៈពេលពីរខែនេះ ដែលកើនឡើង៣០.៥ ភាគរយបើធៀបនឹងឆ្នាំមុន ៕

ដោយ៖ មាន រតនា