តាមពិត ថៃ យកពាក្យ “ធំ” សម្រាប់ប្រើលើមន្ត្រីកំពូលៗតាមឧត្តមសេនីយ៍ វៀតណាម មួយរូប

តើអ្នកធ្លាប់ឆ្ងល់ទេថា ហេតុអ្វីបានជាជនជាតិថៃចូលចិត្តប្រើពាក្យ Big ឬ ធំ នៅពីមុខឈ្មោះមន្ត្រីយោធា និងប៉ូលិសជាន់ខ្ពស់ក្នុងប្រទេស។ ជាពិសេសសូម្បីតែលោក​ឧត្ដមសេនីយ៍ Prawit ក៏ធ្លាប់មាន​រហស្សនាម​ថា Big Pom ឬត្រូវគេ​ចាត់ទុកជាបងធំរបស់ខ្លា​ខាង​កើត ​ហើយលោក Anupong ហៅក្រៅ Big Pok និង​លោក ប្រាយុទ្ធ ហៅថា Big Tu ជា​កូនពៅ។ តើពាក្យមួយម៉ាត់នេះ មាន​ដើម​កំណើត​យ៉ាង​ណាដែរ ទើបថៃជ្រើស​ប្រើមកទល់សព្វថ្ងៃនេះ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មែនទែនទៅ ដើម​កំណើត​នៃ​ការ​ប្រើ​ពាក្យធំនៅ​ចំពោះ​មុខ​ឈ្មោះ​មន្ត្រី​យោធា និង​នគរបាល​ជាន់ខ្ពស់ វាមានប្រភពជាច្រើនប៉ុន្តែតាមដែលឯកសារយោងពី​ប្រទេសថៃបានបញ្ចាក់ពីប្រភពដំបូងគេបង្អស់ ដែលសម្រេចយកមកប្រើជាក់លាក់គឺដោយសារតែមានសង្រ្គាមវៀតណាមក្នុងអំឡុងពេលនោះ។

កាលណោះ ប្រព័ន្ធផ្សព្វផ្សាយអាមេរិកបានដាក់រស្សនាមឧត្តមសេនីយ៍ Dương Văn Minh ដែលជាឧត្តមសេនីយជាន់ខ្ពស់នៃកងទ័ពវៀតណាមថា “Big Minh” ដោយសារតែឥទ្ធិពល និងអំណាចដ៏អស្ចារ្យរបស់គាត់នៅវៀតណាមខាងត្បូង។ គាត់គឺជាបុគ្គលនៃរដ្ឋប្រហារប្រឆាំងនឹងរដ្ឋាភិបាលរបស់ Ngo Dinh Diem និងជាមេដឹកនាំចុងក្រោយរបស់វៀតណាមខាងត្បូង។ បន្ទាប់ពីសង្គ្រាមវៀតណាមបានបញ្ចប់ ប្រព័ន្ធ​ផ្សព្វផ្សាយ​ថៃ​ក្នុង​ទសវត្សរ៍​ឆ្នាំ ១៩៩០ បាន​ប្រើ​ពាក្យធំដើម្បី​សំដៅ​លើ​មេទ័ព​ដែល​មាន​ឥទ្ធិពល​ក្នុង​ប្រទេស។

ថ្វីបើយ៉ាងនេះក្ដី មានហេតុផលមួយទៀតកាលម័យកាលទសវត្សរ៍​ឆ្នាំ៩០ នោះគឺអ្នកកាសែតបរទេសនៅសម័យនោះ ចង់រក្សាចំណងជើងយោធាឲ្យខ្លីខ្លឹម និងសង្ខេបងាយយល់ពីអ្នកអាន។ ព្រោះ​ឋានៈ​និង​ឈ្មោះ​មន្ត្រី​វែង​ពេក ដូច្នេះ​ទើបពួកគេសម្រេចដាក់ឈ្មោះហៅ​ក្រៅ​ជំនួស​វិញ។ ប៉ុន្តែ​ដោយសារតែការ​ហៅ​តែ​ឈ្មោះ​ហៅ​ក្រៅ​ច្របូកច្របល់​ពេក ទើបអ្នកយកព័ត៌មានបានបន្ថែមពាក្យធំ ដែលមកពីពាក្យអង់គ្លេស Big នៅពីមុខឈ្មោះហៅក្រៅ។ ពាក្យ Big បានចាប់ផ្តើមប្រើក្នុងសម័យកាលរបស់ឧត្តមសេនីយ៍ Chavalit Yongchaiyudh ឬ Big Jiw ដែលជាអតីតនាយករដ្ឋមន្ត្រីថៃ។

យ៉ាងណាមិញ ក្រោយៗមកទៀត ពាក្យធំត្រូវបានគេប្រើនៅពីមុខឈ្មោះហៅក្រៅរបស់ឧត្តមសេនីយ៍នៅក្នុងជួរកងទ័ព មុន​នឹង​រីក​រាលដាល​ទៅ​ប្រើលើ​មន្ត្រី​ប៉ូលិស​ជាន់​ខ្ពស់​ផង​ដែរ។​​ ប៉ុន្តែមកដល់សម័យកាលលោកនាយករដ្ឋមន្ត្រី សេដ្ធា ថាវីស៊ីន បែរជាលេងសូវប្រើពាក្យនេះទៅវិញ។ ក្នុងនោះផងដែរ ទីភ្នាក់ងារសារព័ត៌មាន Prachatai បានបញ្ជាក់​ថា ពាក្យ​ធំ​ប្រើ​ដោយ​អ្នក​កាសែត​បរទេស វាជាពាក្យដែលមានអត្ថន័យអវិជ្ជមាន។

ជាងនេះទៅទៀត ពាក្យធំក្នុងជួរនយោបាយ វា​ក៏​ជា​សុន្ទរកថា​មួយ​ដែល​ធ្វើ​ឲ្យ​អ្នក​ស្តាប់​មាន​អារម្មណ៍​ថា​អន់​ថយ​ដែរ។ នោះគឺគោលបំណងនៃការប្រើប្រាស់ពាក្យនេះគឺ ដើម្បីរក្សាឋានៈអំណាចរបស់អ្នកធំ​​ ប្រើ​ដើម្បី​គាប​សង្កត់​មនុស្ស​ដែល​ត្រូវ​បាន​គ្រប់​គ្រង ឬទន់ខ្សោយជាងប៉ុណ្ណោះ៕

អត្ថបទ៖ សាង ស្រីល័ក្ខ

ចុចអាន៖ថៃ ចេញច្បាប់តឹងអំឡុងបុណ្យសង្ក្រាន្ត អ្នកលក់ស្រាឲ្យមនុស្សអាយុក្រោម២០ឆ្នាំផឹក ក៏អាចមានទោស